ހުސެއިން ފިކުރީ

ވިކިޕީޑިއާ އިން

ހުސެއިން ފިކުރީ ( އުފަންވީ 7 ޑިސެމްބަރ 1937 ) އަކީ ދިވެހިރާއްޖޭގެ ތައުލީމީ ދާއިރާއަށާއި، ޚާއްޞަކޮށް ދިވެހި ބަހަށް، އަދި ގާނޫނީ ޙަޔާތަށް ގިނަ ޚިދުމަތްތަކެއް ކޮށްދެއްވި ބޭފުޅެކެވެ. އުމުރުން 70 އަހަރުގައި ހުސެއިން ފިކުރީ ދުނިޔެ ދޫކުރެއްވީ 30 މެއި 2008 ގައެވެ. އެއީ އާލާސްކަންފުޅާ ގިނަ ދުވަސްތަކެއް އުޅުއްވުމަށްފަހު ގައެވެ. ދުނިޔެ ދޫކުރެއްވީ މ.ދަނާރު ގައެވެ.

ފިހުރިސްތު 1 އަމިއްލަ ދިރިއުޅުން 1.1 އުފަންދަރިން 2 ސަރުކާރުގެ ޚިދުމަތުގައި 2.1 އަދާކުރެއްވި ވަޒީފާތައް 3 ދުނިޔެދޫކުރެއްވުން

[އުނިއިތުރު ގެންނަވާ] އަމިއްލަ ދިރިއުޅުން

ހުސައިން ފިކުރީގެ އަނބިކަނބަލުންނަކީ މ.ގަހާ ސަލީމާ ނުވަތަ ގަހާ ސަލީމާ އެވެ. އެދެމަފިރިންނަށް 7 ބޭފުޅުން ލިބިވަޑައިގެންނެވި އެވެ. އެއީ 4 ފިރިހެން ބޭފުޅުންނާއި، 3އަންހެން ބޭފުޅުންނެވެ. ފިކުރީގެ ބޭފުޅުންގެ ތެރެއިން ގަހާ އަހުމަދު ސަޢީދު އަދި ގަހާ ޙަސަން ނާޝިދު އަކީ ފިކުރީގެ ޚާއްޞަ ރޮނގުކަމުގައިވާ ތަޢުލީމީ ދާއިރާގައި ވަރަށް ފާހަގަ ކުރެވުނު ދެމުދައްރިސުން އަދި ދެޕްރިންސިޕަލުންނެވެ.

[އުނިއިތުރު ގެންނަވާ] އުފަންދަރިން

• އަހުމަދު ސަޢީދު
• ޙަސަން ނާޝިދު
• މުޙައްމަދު ސަޢީދު
• ޢަބުދުﷲ ޝާހިދު
• ސަލްމާ ފިކުރީ
• މަރިޔަމް ފިކުރީ
• އާމިނަތު ފިކުރީ

[އުނިއިތުރު ގެންނަވާ] ސަރުކާރުގެ ޚިދުމަތުގައި

ހުސެއިން ފިކުރީ އަކީ ސަރުކާރުގެ ޚިދުމަތުގައި 40 އަހަރާއި 6 މަސް ދުވަސް ހޭދަކުރައްވައި ދެޕެންޝަން ޙާޞިލް ކުރައްވާފައިވާ ބޭފުޅެކެވެ. ސަރުކާރުގައި އެންމެ ގިނަ ދުވަހު ހޭދަކުރައްވާފައިވަނީ މަޖީދިއްޔާ ސުކޫލްގެ ދިވެހި މުދައްރިސެއްގެ ގޮތުގައެވެ. އެގޮތުން ދިވެހި ބަސް ކިޔަވައި ދެއްވުމުގައި 1979 ވަނަ އަހަރުން ފެށިގެން 1995 ވަނަ އަހަރާއި ހަމައަށް 16 އަހަރާއި 11 މަސް ދުވަހު ދެމިހުންނެވި އެވެ.

ސަރުކާރުގެ ޚިދުމަތުގައި ދެން އެންމެ ފާހަގަ ކޮށްލެވެނީ ފ.އަތޮޅުގެ މެންބަރެއްގެ ހައިސިއްޔަތުން ދިވެހިރާއްޖޭގެ ރައްޔިތުންގެ މަޖުލީހުގައި ރާއްޖޭގެ ގާނޫނީ ދާއިރާއަށް ކޮށްދެއްވާފައިވާ މަސައްކަތެވެ. ފިކުރީ އުފަންވެ ވަޑައިގަތީ ފ.ނިލަންދޫ އަށެވެ. އޭނާވަނީ 1970ން 1990 އަށް 3 ފަހަރެއްގެ މަތިން 15 އަހަރު ދުވަހު 5 އަތޮޅުގެ މެންބަރުކަން ކުރައްވާފައެވެ. ހުސައިން ފިކުރީ ވަނީ ބަޔާންކުރެވުނު މަގާމްތަކުގެ އިތުރުން ސަރުކާރުގެ ތަފާތު މަގާމްތައް ފުރުއްވާފައެވެ. ސަރުކާރުގެ ޚިދުމަތުން ފިކުރީ ވަކިވެވަޑައިގަތީ 1 އެޕްރީލް 1996 ގައެވެ.

[އުނިއިތުރު ގެންނަވާ] އަދާކުރެއްވި ވަޒީފާތައް

• ކާތިބުކަން - ވުޒާރަތުލް މާލިއްޔާ
• މުދައްރިސްކަން - ފަރީދިއްޔާ ސުކޫލް
• ދިވެހި މުދައްރިސްކަން - މަޖީދިއްޔާ ސުކޫލް
• މެނޭޖަރުކަން - ފ.އަތޮޅު ފިހާރަ
• ސެކެޓްރީކަން - ސ.އަތޮޅު ބޮޑު އިސްޓޯރ
• ސެކެޓްރީކަން -ރެޖިސްޓްރޭޝަން ޑިވިޝަން
• ސެކެޓްރީކަން - ހޯމް މިނިސްޓްރީ

[އުނިއިތުރު ގެންނަވާ] ދުނިޔެދޫކުރެއްވުން

އުމުރުން 70 އަހަރުގައި ހުސެއިން ފިކުރީ ދުނިޔެ ދޫކުރެއްވީ 30 މެއި 2008 ގައެވެ. އެއީ އާލާސްކަންފުޅާ ގިނަ ދުވަސްތަކެއް އުޅުއްވުމަށްފަހު ގައެވެ. ދުނިޔެ ދޫކުރެއްވީ މ.ދަނާރު ގައެވެ.