Rawson
Oddi ar Wicipedia
Mae Rawson (yn wreiddiol "Trerawson") yn dref yn yr Ariannin, prifddinas talaith Chubut ers sylfaen y dalaith yn 1957. Un o brifddinasoedd taleithiol lleiaf yr Ariannin yw hi, gyda phoblogaeth o ryw 25,000, a rhyw 122,000 o bobl yn byw yn y departamento. Mae Rawson rhyw 1470km o Buenos Aires a tua 7km o'r môr (Playa Union).
Sylfaenwyd y dref ar 15 Medi 1865, gan Gymry o'r llong Mimosa. Fe'i henwyd ar ôl Guillermo Rawson, gweinidog materion mewnol yr Ariannin ar y pryd, cefnogwr o gynllun y Wladfa Gymraeg. Adeiladwyd llawer o adeiladau llywodraethol newydd yn y 1970au, gan achosi i'r dref gael llysenw "Brasilia bach Patagonia" (La Pequeña Brasilia de la Patagonia).
Mae hinsawdd Rawson yn sych, gyda thymheredd o 0C i 15C ar gyfartaledd yn y gaeaf, 10C i 20C yn y gwanwyn a'r hydref, hyd at 38C yn yr hâf.
[golygu] Dolenni allanol
- (Sbaeneg) Llywodraeth Talaith Chubut
- (Sbaeneg) Interpatagonia.com — Rawson
- (Sbaeneg) Interpatagonia.com — Rawson
