Glyn Simon

Oddi ar Wicipedia

Roedd William Glyn Hughes Simon, DD (1903-1972) yn Archesgob Cymru o 1968 hyd 1971.

Addysgwyd ef yng Ngholeg Crist, Aberhonddu o 1913 ymlaen, ac aeth i Goleg Iesu, Rhydychen yn 1922. Daeth yn Warden Coleg Sant Mihangel, Llandâf; roedd y bardd R. S. Thomas yn fyfyriwr yno yr un adeg. Fel Deon Llandâf, ef oedd yn bennaf gyfrifol am atgyweirio'r Eglwys Gadeiriol wedi iddi gael ei difrodi yn ystod yr Ail Ryfel Byd, yn cynnwys comisynu cerflun enwog Epstein, Majestas. Daeth yn Esgob Abertawe ac Aberhonddu, gan ddod yn gefnogwr i'r iaith Gymraeg yn y cyfnod yma, yna'n Esgob Llandâf, lle cefnogodd ordeinio merched yn ddiaconiaid.

Fel Archesgob Cymru daeth i sylw trwy ymweld a Dafydd Iwan yn y carchar yn ystod ymgyrchoedd Cymdeithas yr Iaith Gymraeg yn 1970. Bu ganddo bedwar plentyn, ond bu farw un yn ieuanc; un arall yw'r beirniad celf Robin Simon.

[golygu] Llyfryddiaeth

• Owain W.Jones, Glyn Simon, His Life and Opinions (1981).

[golygu] Llyfrau gan Glyn Simon

• The Origins of the Church in Wales, and her History up to the Reformation (Cyngres yr Eglwys yng Nghymru,1953).
• Torch Commentary I Corinthians (1959).
• Then and Now (primary visitation) (1961).
• The Landmark (1962).
• Feeding the Flock (1964).
• A Time of Change (second visitation) (1966).

Rhagflaenydd : Edwin Morris

Archesgob Cymru William Glyn Hughes Simon

Olynydd : Gwilym Owen Williams