Dwyriw
Oddi ar Wicipedia
Cymuned ym Mhowys yw Dwyriw. Daw'r enw o'r ffaith ei fod rhwng dwy Afon Rhiw. Saif i'r de-orllewin o dref Llanfair Caereinion.
Y pentrefi yn y gymuned yw Llanllugan, Llanwyddelan ac Adfa. Ger Llanllugan, roedd lleiandy Sistersaidd Llanllugan, a sefydlwyd tua 1180; ceir cyfeiriadau ato ym marddoniaeth Dafydd ap Gwilym, ond ni wyddir ymhle yn union yr oedd ei safle. Roedd poblogaeth y gymuned yn 2001 yn 467.