Teyfuq Abdul
QIRIMTATAR VİKİPEDİYASINIÑ MALÜMATI
Teyfuq Amit oğlu Abdul (1915 - 1945) - II Cian cenki iştirakçi, Şuralar Birliginiñ Qaramanı, mayor.
Teyfuq Abdul 1915 senesi Qırımda, Ayuv Dağ yanında yerleşken Partenit köyünde köylü qorantasında doğdı. Köy mektebini bitirgen soñ Yaltada oqudı, soñra Oröl şeerindeki umumiy asker arbiy oquv mektebini muvafaqietnen bitirdi.
Cenk yılları Abdul batalyon komandiri olaraq qattı uruşlarda cesürlik, erlik kösterdi. Çoq kere ağır yaralandı ve tedaviylengen soñ öz polkuna qaytıp, uruşlarda iştirak etti. Ğalebe arfesinde, 1945 senesi Teyfuq Abdul qanlı uruşta elâk oldı. İlbav (yani Lvov) şeerindeki şeitler qabristanında defn etildi.
Qırımtatar halqınıñ batır, cesür oğlu Teyfuq Abdulge 1943 senesi dekabr 20-de Şuralar Birliginiñ Qaramanı unvanı berildi ve “Altın Yıldız” taqdim etildi.