Cafer Seydamet Qırımer
QIRIMTATAR VİKİPEDİYASINIÑ MALÜMATI
Cafer Seydamet Qırımer (türkçe Cafer Seydahmet Kırımer) (1889 s. sentâbr 1 , Qızıltaş — 1960 s. aprel 3 , İstanbul) — belli qırımtatar siyasetçisi ve devlet erbabı. 1889 senesi sentâbr 1 künü Qırımnıñ Yalta şeeriniñ civarında Qızıltaş köyünde doğdı. İlk tasilini Qırımda, orta ve litsey tasilini İstanbulda kördi. 1911 senesi Pariske barıp "Uquq Fakulteti"ne başlap oldı. Birinci Cian Cenki başlağanda Qırımğa qayttı. Qırımda yaqın arqadaşlarınen birlikte inqilâpçı, gizli bir teşkilât qurdı.
1917 senesi Qırım Halq Cumhuriyeti ilân etilgeninen, Noman Çelebicihannıñ reisligindeki ükümette Arbiye ve Hariciye Naziri oldı.
1960 senesi aprel 3 künü İstanbulda vefat etti.
[deñiştir] Kitaplar
- Yirminci Asırda Tatar Milleti Mazlumesi (Türkçe), İstanbul, 1911 (Şahap Nezihi lağabınen)
- La Crimeé (Frenkçe), Lozann, 1921
- Krym (Lehçe), Varşava, 1930
- Rus İnkılâbı (Türkçe), İstanbul, 1930
- Gaspıralı İsmail Bey (Türkçe), İstanbul, 1934
- Rus Tarihinin İnkılâba, Bolşevizme ve Cihan İnkılâbına sürüklenmesi (Türkçe), İstanbul, 1948 (beş yerde berilgen konferentsiya)
- Mefküre ve Türkçülük (Türkçe), İstanbul, 1965 (konferentsiya ve yazıları)
- Unutulmaz Göz Yaşları (Türkçe), İstanbul, 1975
- Nurlu Kabirler (Türkçe), İstanbul, 1992
- Bazı Hatıralar (Türkçe), İstanbul, 1993
