Sciroccu
From Wikipedia
U Sciroccu (o Sciloccu) hè un ventu caldu chì veni da u Sahara. Soffia da l'Africa di u Nordu versu u Sudu di u Mariterraniu è in particulari versu a Corsica è a Sardegna. Hè ancu chjamatu in Corsica u ventu sardu. U sciroccu si porta à spessu in Corsica una pulvariccia russiccia chì veni da u Sahara. Cusì faci un dispositu di culori rossu in terra o annantu à i vitturi. U ventu soffia tandu pa una durata chì varieghja da una meza ghjurnata à parechji ghjorni.
U stessu ventu t'hà u nomu di "jugo" in Croazia è "ghibli" in Libia.
[edit] Citazioni
Eccu uni pochi di pruverbii chì mintuveghjani u sciroccu:
- Diu ti guardi da gregale torbu, è da sciroccu chjaru.
- Sciroccu à terza, è maestrale à vesperu.
Sciroccu hè dinò una canzona di i Chjami Aghjalesi in u so dischettu "I vinti cinque baroni".
[edit] Rifarenzi
[edit] Liami
I venti |
gricali - libecciu - maistrali - sciroccu - tramuntana - livantu - punenti |