Wikipedia:Articulu15
From Wikipedia
A Suvara (Quercus suber) hè un arburu chì faci partita di a famiglia di i Fagaceae. Hè altu sin'à 25 metri, ma a so altezza media si situeghja trà 10 è 15 metri. U fustu hè cortu. A suvara hè assuciata à spessu incù a leccia o u pinu marittimu. Hè urighjinariu d'Africa di u Nordu. A suvara pò ghjugna sin'à l'ità di 200 anni. I foglii sò chjughi, longi da 3 à 5 cm.
Una stesa di suvari hè una suvariccia.
Ci hè quattru paesi chì riprisentani 87 % de a suvariccia mundiali: U Portugallu, a Spagna, l'Algeria è u Maroccu. A superficia di a suvariccia mundiali hè: 2,3 millioni d'ettari. A pruduzzioni mundiali di suvaru hè di 340 000 tonni. U Portugallu ni pruduci 54%.
A suvara hè cumuna in Corsica. A suvara hè ancu chjamata a leccia suvarina. Ci hè 24800 ettari di suvari in Corsica...
