মেয়েক

মুক্ত বিশ্বকোষ উইকিপিডিয়াত্ত

মেয়েক শব্দ এগো সংস্কৃত লিপি অর্থত বিষ্ণুপ্রিয়া মণিপুরী ঠারে ব্যবহৃত অর। লিপি অর্থ চিঠি, পত্রলিখন, আখর বা বর্ণমালা ইত্যাদি।

মেয়েক শব্দর বুৎপত্তিগত অর্থহানে অক্ষর বা বর্ণমালা। আরাকৌ হবাকরে মতিক বুল্লে যে য়েক বা অংকনহানলো শব্দরে (Sound) ধরিয়া থনা য়াকরের। লিপির লিংখাতর ইতিহাসহান চেইলে দেহিয়ার অকরাগত চিত্রর আকারে লিপির জরম। উহানাত্ত স্তরর থাংনাত স্তর লালয়া এবাকার অক্ষর বা ধ্বনির লিপিত ক্রমবিকাশ অসে। তার লিপির বিকাশর স্তরগই মানব সভ্যতার বিকাশর স্তরগরে বারো লিপিয়ে ঠার আহানর ইতিহাসর প্রতিনিধিত্ব করের।

মেথেল ১ লিপির উদ্ভব ২ লিপির ভাগ ২.১ ধ্বনিহীন লিপি ২.২ ধ্বনিমুলক লিপি ৩ সিন্ধুলিপি বারো ভারতীয় লিপির ক্রমবিকাশ ৩.১ খরোষ্ঠি লিপি ৩.২ ব্রাহ্মী লিপি ৪ মানব সভ্যতাত মেয়েকর ভুমিকা ৫ ওয়েব মিলাপ

[পতিক] লিপির উদ্ভব

পন্ডিত গিরকলকেয়ে খৃঃ পুঃ ১০,০০০ মারিত্ত বছরেত্ত খৃঃ পুঃ ৪,০০০ মারির হম্বুক এগত লিপির উদ্ভব বুলিয়া নিংকরতারা। তানুর আনুমানহান চিত্রলিপিত্ত অকরাগ দিয়া সুমেরিয়, মিশরিয়, ক্রিটান, হিত্তি, চিনা, বেবিলনিয়, প্রত্ন-এলানিয়, ল্যাটিন আমেরিকার মায়া তথা আজটেকিয়, বারো প্রত্ন-ভারতীয় বা সিন্ধু লিপি এসাদে নানান স্তর লালয়া এবাকার লিপির জরম অসে। দেসে দেসে যে লিপি চলের অউতা গজে উল্লেখ করা লিপি অউতার আতাপিতা বা অউতার বিবর্তিত রূপ মাতানি য়াকরের।

[পতিক] লিপির ভাগ

পৃথিবীর লিপি উতারে দুহান ভাগে ভাগ খেইকরেসি - (১) ধ্বনিহীন লিপি (২)ধ্বনিমুলক লিপি

[পতিক] ধ্বনিহীন লিপি

ধ্বনিহীন লিপি বুল্লে হারপেয়ারতা চিনা বা বাণমুখ লিপি যেতা শব্দ আকেইগো বা পুল্লাপ পারেং আকেইহান চিত্র আগর মাধ্যমে প্রকাশ পার। বাণমুখ লিপি এহান হাবিত্ত পুরান লিপিহান। লিপি এহান খৃঃ পুঃ ৪০০০ মারির আগে সুমেরিয় মানুয়ে হংকরেসিলা। বাণমুখ লিপি এহান সুমেরুর মানুয়ে কাচা গুল্দুপা মাটির ফলকে হিল বা রুকর টুমালো, বা জন্তুর আরলো পাহিয়া ঠেঙর চিনৎ য়েক্করানির সাদে য়েক্করেসিলা। দদা বস্তু আগল য়েক্করেসিলা থাংতে লিপি এহান কারর অসাদে অঙতাহান অসিল। পয়লা পয়লা গজেত্ত তলেদে ইকরানির চলহান আসিল। পিসে পিসে তলেত্ত গজে, বাতেদেত্ত বাঙেদে বারো বাঙেদেত্ত বাতেদেত্ত ইকরানির চ্হান অইল। উহানরকা বাণমুখ কিলাক্ষর আদি নাঙ থনি অসে।

[পতিক] ধ্বনিমুলক লিপি

বিষ্ণুপ্রিয়া মণিপুরী, সংস্কৃত, রোমান বারো আরবী লিপি রে ধ্বনিমুলক লিপি বুলিয়ার। প্রথম অবস্থাত তিন নমুনার লিপি পেয়ার - সূত্র লিপি, প্রতীকাত্বক লিপি বারো চিত্রলিপি। লিপির বিকাশে পয়লাকার দিয়হানির কুনো ভুমিকা নেই। চিত্রলিপিয়ে নানা রূপ পটানির পিসেদে ভাব-ধ্বনিমুলক লিপির পথগো ইলয়া এবাকার সম্পুর্ণ রূপহান ধ্বনিমুলক লিপির অংতাত ফঙিলগা। লিপি পুর্ন বিকশিত রূপহান অক্ষঅর বা মেয়েক বা বর্ণলিপি। হরপ্পা বারো মহেঞ্জোদারোত্ত পাসি মাটির মহরে খুদাই করা লিপি অউতারে ভাব-ধ্বনিমুলক মাতানি য়াকরের। এ লিপির কতহান আকতা ভাবমুলক কতহান ভাব-ধ্বনিমুলক, কতহান চিত্রর সাদে কতহান মেয়েকর সাদে। থাঙনাত সিন্ধু লিপির য়ারি আহের।

[পতিক] সিন্ধুলিপি বারো ভারতীয় লিপির ক্রমবিকাশ

লিপির ক্ষেত্রৎ ভারতীয় লিপি বিশেষ করিয়া দেবনাগরি লিপিয়ে তঙাল ফাম আহান ঙালকরিয়া থসে। সাধারন বিশ্বাসহান দেবনাগরি লিপি ভারতর আদি জননিগো বুলিয়া কিন্তু অনেক পন্ডিতর বিবেচনাত উহান সঠিকহান নাগই। অনেকগই বৈদিক সভ্যতার আগে সিন্ধু সভ্যতার গুরিগো বিসারানি চেইতারা। এহান বাদে সিন্ধুলিপির তুলো ভারতীয় লিপির সম্পর্কর ব্যাখ্যা আকগউ দেনা নারতারা। অহানে খৃঃ পূঃ ৩য় শতকে অশোকর শিলালিপি উতারে ভারতীয় লিপির গুরিগ বুলিয়া ধরতারা। অশোকর আনুশাসন লিপির দুহান রূপ পেয়ার - খরোষ্ঠি লিপি বারো ব্রাহ্মী লিপি।

[পতিক] খরোষ্ঠি লিপি

ভারতর অওয়াঙ মুঙ সীমান্তর তক্ষশীলার কাদার শাহবাজগরি বা মানসেহারার অনুশাসন লিপিরে খরোষ্ঠি লিপি বুলতারা। গাধার ঠট্গর অংতাহান বুলিয়া "খরুশেখ" শব্দত্ত "খরোষ্ঠি" শব্দ এগ নিকুলেসে বুলিয়া ডঃ সুনীতিকুমার চ্যাটার্জ্জী গিরকে মত আহান দেসে। অধ্যাপক লেভি গিরকে মধ্য এশিয়ার খরোষ্ঠ জাতিত্ত খরোষ্ঠি লিপি আহেসে বুলিয়া মাতের।

[পতিক] ব্রাহ্মী লিপি

খরোষ্ঠি লিপি কালক্রমে মুতয়া গেলগা। ব্রাহ্মী লিপি ভারতে জিংতা অয়া থাইল। হুদ্দ ভারত নাগই, মুঙবারাদের মিয়ানমার ইন্দোনেশিয়া আদি দেশর লিপির বিকাশে ব্রাহ্মী লিপির প্রভাব পড়েসে।

ব্রাহ্মী লিপির হাবিত্ত পুরানা চিনহৎহান পেয়ারতা নেপালর "পিপউয়া" স্তুপে বারো আজমীরর বডলি গাঙর শিলালেখা অউতাত। খৃঃ পুঃ ৫ম শতকে এতা ইকরেসি বুলিয়া অনুমান করতারা। অউ সমেইত্ত ব্রাহ্মী লিপি নানান স্তরে আয়া বিকাশ অসে বুলিয়া মাততারা। তবে ব্রাহ্মী লিপিলো নানান পন্ডিতর নানান মত পেয়ার।

[পতিক] মানব সভ্যতাত মেয়েকর ভুমিকা

মানব সভ্যতার অগ্রগতিত লিপি বা মেয়েকর ভুমিকা নিয়াম গুরুত্বপুর্ণ। যুগ যুগান্তরর জ্ঞানর ভান্ডারগো মানুয়ে ধরিয়া থসি লিপির মাধ্যমে, সিল্করে দেসি ভবিষ্যত প্রজন্মরাং। লিপির সৃস্টি নাইলে এবাকার জ্ঞানর ভান্ডারগো যেগরে মাতিয়ার অউ লেইরিক বা গ্রন্থর জরম নাইলইস। তারো মেয়েক অইল্তাই আদিম মানবর স্মৃতি জিংতা করানির কাজে তানুর জ্ঞানর ভান্ডার উগরে আকুবালা বা চিরদিনরকা থনির পদ্ধতিগত রূপ আহান। ঠার আহানরে স্থান বারো কালর বারাদেত্ত চেইলে সীমিত অংতা আহাত থার, লিপিয়ে অউ সীমানার চৌদ্দাগো লালকরিয়া ঠার আহানরে মুক্ত করেদিয়া কালর হুত্গত দেশ বার দেশান্তরে ফৌকরে দের।

[পতিক] ওয়েব মিলাপ

Small Text