ভারতর ফিরালহান

মুক্ত বিশ্বকোষ উইকিপিডিয়াত্ত

ভারতর জাতীয় ফিরালহান জুলাই ২২, মারি ১৯৪৭ত গণ পরিষদর তিলনা আহান অঙতা এহানর য়্যাথাঙ দেনে অসিল, অতার কতদিন পিসে দেশহান ব্রিটিশ ডান্ডিত্ত ৱাইসাঙুইল। মারি ১৯৪৭র আগস্টর ১৫ তারিখেত্ত মারি ১৯৫০র জানুয়ারী ২৬ পেয়া ভারত অধিরাজ্যের বারো পিসেদে ভারত প্রজাতন্ত্রর জাতীয় ফিরালহান বুলিয়া চলিয়া আহেরহান।^[১]ভারতর ত্রিরঙা (হিন্দিল: ितरंगा) বুলতে দেশহার জাতীয় ফিরালহানরে বুঝানি অর।

ফিরালহারর তিনহান পাথারি দুরর মা গজর অহান "গাঢ়পা শ্যাফ্রন" (Deep Saffron) রঙর^[২], হমবুকে দলা বারো তলে তেনুৱা রঙ। হাবির বুকগত গুলগ করিয়া দ্বিকুড়িচারিগ দণ্ডর গাঢ়পা নীলুৱা রঙর (Navy Blue) চাকা আগ থার, যেগ অশোকা চক্র বুলিয়া চিনরাঙ, সারনাথর অশোকা স্তম্ভত্ত নেনা অসে। চক্রগর ব্যাসহান দলা দুরগর উচহানর চারিভাগর তিন ভাগ। ফিরালহানর দিগালী বারো পাথারিহানর অনুপাতহান ২:৩^[৩]। এর ফিরাল এহান ভারতর সামরিক সিবেইর লালফামর ফিরালহান বুলিয়া চলিয়া আহেরহান বারো হারিদিন সামরিক কামরমা ফুরদুৱানি অর।

ভারতর জাতীয় ফিরালহান অঙতাহান হঙকরিসিলতাই পিঙ্গালী ভেংকাইয়া (Pingali Venkayya)^[৪] গিরকে। আনুষ্ঠানিক বিবরণহানর মা ফিরালহানর ফুতিহান হুদ্দা "খাদি"র ফুতিহান অনা লাগতই বুলিয়া মাতানি অসে। ফিরালহানর কুপানি বারো ফুরদুৱানির বারে ভারতীয় পতাকা কোডর মাতুঙে চলের বারো দদা করে ইতু তাঙতু করানি অর^[৩]।

মেথেল ১ ডিজাইনহান ২ চিনৎর বারে ৩ ইতিহাসহান ৪ আরাকউ চেইক ৫ পাসিতা ৬ বারেদের লগে মিলাপ

[পতিক] ডিজাইনহান

তলে ভারতর ফিরালহানর নানান রঙর মডিউল দেনা অইল। রঙরে এইচটিএমএল আরজিবি ৱেয়বর রং (হেক্সাডেসিমেল নোটেশন); বারো সিৱাইএমকের মান্নাপা কোডন পাজালানি অইল; ফুতির রঙ বারো প্যানটোনর মান্নাপা নম্বর।^[১]

রঙরনাঙ	এইচটিএমএল	সিৱাইএমকে	ফুতির রঙ	প্যানটোন
শ্যাফ্রন	#FF9933	0-50-90-0	শ্যাফ্রন	1495c
দলা	#FFFFFF	0-0-0-0	দলা	1c
তেনুৱা	#138808	100-0-70-30	তেনুৱা	362c
নীলুৱা	#000080	100-98-26-48	নীলুৱা	2755c

সরকারী সিৱাইএমকে (CYMK)র মান ইলতাই (0,50,90,0)—কাদার রঙহান কুমাড়ারর রংহান পারা—সিৱাইএমকে = (0,54,90,0); শ্যাফ্রন রঙর বারো গাঢ়পা শ্যাফ্রন (হুনামালপীরড) রঙর সিৱাইএমকে নম্বর ইলতাই থাঙনাই থাঙনাই (4, 23, 81, 5)) বারো (0, 24, 85, 15))।^[১]

[পতিক] চিনৎর বারে

দেশহান ৱাইসাঙনি আগষ্ট ১৯৪৭র কতদিন আগে দেশর আইনসভাত তিলুইয়া মত দেনা অইল যে দেশহানর হাব্বি দল বারো সমাজে ফিরাল এহানরে একরানি বারো য়্যাথাং দেনা।^[১] ফিরাল হানাত গাঢ়পা শ্যাফ্রন, দলা, তেনুৱা রঙ বারো বুকগত নীলুৱা রঙর অশোক চক্রগ থানি বুলিয়া লেপুইল। ডাঙরিয়া সর্ব্বপল্লী রাধাকৃষ্ণন গিরক যেগ পিসেদে ভারতর পয়লাকার মাথাঙ রাষ্ট্র মাককগ ইসিল, তা ফিরালহানর লুপা বাখান বারো ইজ্জু করে বর্ননা করে দিয়া দিল য়্যাথাং দিয়াসি ফিরালহানর বারে যেহান তলে দেনা অইল:

মডেল:Cquote

বেসরকারী মতে শ্যাফ্রন রঙ এহান পুন্য বারো ধার্মিকতা, দলা এহান শান্তি বারো সত্য, তেনুৱা রঙ এহান উর্বরতা বারো চাকাগ আইনর মাতুঙে ডান্ডি করানি বুলিয়া চলেসে।

[পতিক] ইতিহাসহান

[পতিক] আরাকউ চেইক

ভারতর চিনত্হান

[পতিক] পাসিতা

1. ↑ ^{১.০ ১.১ ১.২ ১.৩} Heimer, Željko (2006-07-02). India. Flags of the World. পাসিলাঙতা 2006-10-11.
2. ↑ Official Flag Website, Government of India.
3. ↑ ^{৩.০ ৩.১} Flag Code of India. Ministry of Home Affairs, Government of India: (2006-01-25). পাসিলাঙতা 2006-10-11.
4. ↑ National Flag of India. Funmunch.com. পাসিলাঙতা 2006-10-11.

[পতিক] বারেদের লগে মিলাপ

1. বিশ্বর ফিরালহানি(FOTW)