হমিলদুৱার:বিজ্ঞান

মুক্ত বিশ্বকোষ উইকিপিডিয়াত্ত

বিজ্ঞানর আরাংগ

বিজ্ঞান বুলতারা অহান জ্ঞানর ঔ বারাউহান যেপেইত পর্যবেক্ষণ, প্রকল্প বাস্তবায়ন, পরীক্ষণ বারো ব্যাখ্যা ইলয়া ঘটনা আহার ভবিষ্যৎবাণীর কারণহান দেহুয়ানি অর যুক্তি প্রমাণ তিলকরিয়া। পর্যবেক্ষণ, পরীক্ষণ বারো কারণ ব্যাখ্যন, এতা হাবি বিজ্ঞানর জবরে গুরুত্বপূর্ণ মেঠেল। এতার লগে বিজ্ঞানের জগতে নিয়মানুবর্তিতা বুলতারা বিষয় উহার প্রয়োজনীয়তা গবর করে দেহিয়ার যেহান বৈজ্ঞানিক পদ্ধতিত কাম করানির কা লাগের। বৈজ্ঞানিক পদ্ধতিত পয়লাকাই আহের প্রস্তাবিত প্রকল্পউহানরে উপযুক্ত পরীক্ষণ বারো যুক্তিলো প্রমাণ করানি। এসাদে প্রমাণ এতা সময়ৎত সময়ে সত্যহান বুলিয়া প্রতিষ্টা পার বারো কালক্রমে উহান সূত্র আহার মর্যাদা পার। কিন্তু বিজ্ঞানে কোনহানউ অপরিবর্তনীয় নাগই। পিসে যদি এহাত্ব জিঙিন নির্ভরযোগ্য তত্ত্ব পেইলে অহানে প্রতাষ্ঠিত তত্ত্বআহানরেউ নাকচ করতে পারে। এসাদে করিয়া বিজ্ঞান আগুয়িয়া যারগা।

আরাকউ পাকরিক...

[পতা]

বিজ্ঞানর থাক


কৃষিবিজ্ঞান	জ্যোতির্বিজ্ঞান	জীববিজ্ঞান	জৈবপ্রযুক্তি	রসায়ন	প্রযুক্তি


ভূগোল	চিকিৎসা বিজ্ঞান	পদার্থ বিজ্ঞান	মনোবিজ্ঞান	বিজ্ঞানর ইতিহাস

[পতা]

বাছিসি নিবন্ধহান

ইউরেনিয়াম অইলতা পর্যায় সারণীর ৯২তম মৌলহান। এহান পর্যায় সারণীর ৭ম পর্যায়র ৩য় শ্রেণীর B উপশ্রেণীত থার। এহান তেজস্ক্রিয় বারো নীলুরা দলা রঙর ধাতুহান।

১৭৮৯ সালে বিজ্ঞানী মার্টিন হাইনরিখ ক্ল্যাপরথ (Martin Heinrich Klaproth) গিরতক ইউরেনিয়াম লিঙখাত করেসিল। গিরকে ইউরেনাস গ্রহর নাঙে এহার নাঙহান থসিল কিয়াবুল্লে সময় উহানাত ইউরেনাস গ্রহউগ আবিষ্কারর ঘটনা অহান অসিল । কিন্তু পয়লা ইউরেনিয়াম নিকালনি অসিলতা ১৮৪১ সালে। বছর উহাত বিজ্ঞানী ইউজিন পেলিকট (Eugene-Melchior Peliqot) ইউরেনিয়াম টেট্রাক্লোরাইড (UCl₄) এত্ত পয়লাকা U নিকালিয়া দেহাদেসিল। ১৮৬৯ সালে যেবাকা দিমিত্রি মেন্ডেলিভ (Dimitri Ivanovich Mendeleyev) পর্যায় সারণী লিংখাত করল উপেউআ U হাবিত্ত বদিপা মৌলগো বুলিয়া হাবির দৃষ্টি কারলিসিল। ১৯৪০ সালে পয়লা ট্রান্সইউরেনিয়াম মৌল বারো নেপচুনিয়াম নিকুলানির আগে পেয়া্এহানউ হাবিত্ত বদিপা মৌলগো আসিল। ১৮৯৬ সালে বিজ্ঞানী হেনরী বেকেরেল গিরকে ইউরেনিয়ামর তেজস্ক্রিয়তা আবিষ্কার করেসিল।

...য়মকরাসাং

আরকউ হারপিক...

[পতা]