অধ্যাপক রণজিত সিংহ
মুক্ত বিশ্বকোষ উইকিপিডিয়াত্ত
অধ্যাপক রণজিত সিংহর জরম ১৯৫৫ খ্রীস্টাব্দত মৌলবীবাজার জেলার কমলগঞ্জ থানার ঘোড়ামারা গাঙে। হুরুকাং কালেত্ত লেখালেখি বারো সমাজ সংগঠনর লগে কাম করিয়া যারগা। বাংলা বারো বিষ্ণুপ্রিয়া মণিপুরী দ্বিয় ঠারেউ ইকরের। চট্টগ্রাম বিশ্ববিদ্যালয়ত্ত পদার্থবিজ্ঞান বিষয়লো উচ্চতর ডিগ্রী নিয়া এবাকা সিলেট তাজপুর ডিগ্রী কলেজে অধ্যাপনা করের। গিরক বাংলাদেশ মণিপুরী মণিপুরী সাহিত্য পরিষদর সভাপতিগো। সশয় আহাৎ সত্যম বুলিয়া সাহিত্য পত্রিকা আহান সম্পাদনার কাম করল। শিক্ষাজীবন হাদিৎ রেডিও বাংলাদেশ সিলেট কেন্দ্রত্ত প্রচারিত মনিপুরী অনুষ্টানর কথক বারো পরিচালনার দ্বায়িত্ব পালন করলো।
অধ্যাপক রণজিত সিংহর প্রকাশিত গ্রন্থাবলীর মাঝে বিষ্ণুপ্রিয়া মণিপুরী ঠারে 'নিয়তি', 'চিকারী বাগেয়া' (কাব্য), 'কনাক কেথক', 'বাহানার পরান' (শৌর সাহিত্য), 'ভানুবিল কৃষকপ্রজা আন্দোলন বারোহ বিষ্ণুপ্রিয়া মনিপুরী সমাজ' (গবেষনা), 'অক্ষরর য়ারি' (প্রবন্ধ) উল্লেখযোগ্য। বাংলালো ইকরা লেইরিকরমা 'স্বাধীনতা সংগ্রামে বিষ্ণুপ্রিয়া মণিপুরী সমাজ' বারো 'বাংলাদেশের মণিপুরী বিষ্ণুপ্রিয়া সাহিত্য' উল্লেখযোগ্য।
