Вікіпедыя:Як правіць артыкул

З Вікіпедыя.

Каб правіць націсніце закладку правіць уверсе старонкі, што адкрые акенца з існуючым тэкстам артыкула, дзе можна рабіць пажаданыя праўкі. Калі Вашыя праўкі ўжо зробленыя, упішыце іх кароткае апісанне ў радок Тлумачэнне пад акенцам і націсніце гузік Як будзе, каб упэўніцца ў канчатковым выглядзе артыкула пасля правак, і пры задавальняючым Вас выніку націсніце гузік Запісаць. (гл.таксама: Вікі-фарматаванне, Пясочніца)

Калі з Вашага пункту погляду ў артыкуле ёсць суб’ектыўная інфармацыя, якая не з’яўляецца факталагічнай памылкай, не варта выдаляць яе — лепш дадаць ў артыкул інфармацыю аб’ектыўную з Вашага пункту гледжання, спаслаўшыся на аўтарытэтныя крыніцы. Больш за тое, калі Вы ведаеце крыніцы змешчанай суб’ектыўнай інфармацыі, будзе вельмі карысна дадаць і іх, мо нават удакладніўшы паводле іх суб’ектыўную частку артыкула. Такі падыход дазволіць наступным чытачам скласці больш поўнае ўяўленне пра меркаванні аб прадмеце, што значна павысіць каштоўнасць артыкула для энцыклапедыі. Тымчасова, калі ласка, самі імкніцеся пазбягаць суб’ектыўных ацэнак і ведаючы некалькі пунктаў гледжання на праблему выкладаць іх усе, прынамсі асноўныя, спасылаючыся на крыніцы.

Звярніце таксама ўвагу, што да кожнага артыкула існуе старонка размоў аб ім, куды можна трапіць праз закладку размовы. На гэтай старонцы можна напісаць свае заўвагі, калі Вы чамусьці не жадаеце рабіць праўкі, або абмеркаваць з іншымі ўдзельнікамі пытанні датычныя зместу і правак ў артыкуле.