Воін Полацкі
З Вікіпедыя.
Воін Полацкі (? - 1333/1334), князь полацкі (1320-я — 1333/1334). Брат Гедзіміна.
Акалічнасці і час заняцця Воінам стальца ў Полацку невядомыя. Упершыню, і ўжо як полацкі князь, згадваецца ў 1326, калі разам з менскім князем Васіліем і з князем Фёдарам Святаславічам, на чале пасольства Гедзіміна ездзіў у Ноўгарад дзеля заключэння мірнага дагавора з Наўгародскай зямлёй і Лівонскім ордэнам. Больш у крыніцах не згадваецца. Верагодна загінуў падчас паходаў лівонскіх рыцараў на Полацак (1333 і 1334), бо ў 1338 як полацкі князь згадваецца Нарымонт Гедзімінавіч.
Меў сына Любку.