Беларускае генерал-губернатарства
З Вікіпедыя.
Беларускае генерал-губернатарства, Генерал-губернатарства у складзе Расійскай імперыі. Створана ў 1801 пасля падзелу Беларускай губерніі на дзве і ўключала Магілёўскую і Віцебскую губерніі. Цэнтр генерал-губернатарства знаходзіўся ў Віцебску. З 27 лютага 1802 года афіцыйна называецца «Віцебскае і Магілёўскае генерал-губернатарства». У 1823 годзе генерал-губернатарства рэарганізуецца, у яго склад уключаюцца чатыры губерніі — Віцебская, Магілёўская, Смаленская і Калужская. 8 студзеня 1831 Калужская губернія вылучана са складу генерал-губернатарства, а ўключана Мінская губернія. У сувязі з паўстаннем у Мінскай губерніі 8 красавіка 1831 прызначаны вайсковы губернатар, і генерал-губернатарства да ліквідацыі ў 1856 уключала 3 губерніі.