Radvėlėškis
Straipsnis ėš Vikipedėjės, encikluopedėjės žemaitėškā.
Radvėlėškis | |
---|---|
Valstībė: | Lietova |
Savėvaldībė: | Radvėlėške rajuona savėvaldībė |
Giventuojē (2007): | 19 672 |
Radvėlėškės (liet. Radviliškis) – miests Šiauliu apskrėtie, 21 km ė pėitrītios nu Šiauliu, rajuona centros. Miests tor senionėjės statosa, tēp pat īr apīlėnkiu senionėjės centros. Svarbos gelžkele mazgs.
Miesta vakarėnio pakraštio ein gėlžkėlis Vėlnios-Šiaulē. Radvėlėškis išsidiestes šiaures vakarū - Pėitrīčiū krīptė. Īr Švč. Mergeles Marėjės Gėmėma bažninčė (pastatīta 1945 m.), provuoslavū cerkvė, koltūras nomā, pašts, rajuona cėntrėnė lėguonėnė, vakū globuos nomā „Nėkštoks“, senėjē katalėkū kapā, provuoslavū kapā, miesta šiaurie - kariū kapā.
Torėnīs |
[taisītė] Ėstuorėjė
Radvėlėškis mėnavuojams nu XVI o. 1567 m. laikuomė Radvėlėške ėkorėma metās, nuors kai korėj šaltėnē nuruoda 1529 m. a 1539 m. ka kažkuoks žemes valdītuos ėš radviliškiete skuolėnuos 100 kapū grašiū. XVI o. vėdurie vėituovė prėklausė Šiauliū ekonomėjē, katro valdė Radvėlas. Nu 1577 m. vadėnams mėstelio. 1687 m. gava torgaus privilegėj, 1710 m. - miesta teises (nuors 1708-1710 m. siautont marou išmėrė beveik vėsė miestā pritėlē).
XVIII o. Radvėlėškis pamažo atsigava, vuo īpatingā spartē pradiejė augtė 1868-1870 m. nutėisos Lėipuojas-Ruomnū gelžkele atšak Daugpilis-Radvėlėškis i čė bova ėkorta gelžkele stuotes. Nu 1950 m. - rajuona cėntros. 1992 m. bėržele 17 d. patvirtins miesta herbs.
[taisītė] Pavadėnėma kilmie
Miesta vards tėkrā īr asmenvardinis, kėlės nu seniau vėituov' valdžiusiū Radvėlū pavardies, pridiejos prisagėn galūn' - ėškis.
[taisītė] Švėitėma ė ogdėma īstaigas
- jaunėma muokīkla
- 2 gėmėnazėjės: Lizdeikas ė Vaižganta
- S. Dariaus ė S. Giriena vėdorėnė muokīkla
- 3 pagrėndėnės muokīklas: Gražinas, Vaižganta ė V. Kodėrkas