Daugā
Straipsnis ėš Vikipedėjės, encikluopedėjės žemaitėškā.
Daugā | |
---|---|
Valstībė: | Lietova |
Savėvaldībė: | Alītaus rajuona savėvaldībė |
Giventuojē (2007): | 1 429 |
Daugā – miests Alītaus rajuonė, 20 km i rītus nu Alītaus ė tėik pat i šiaurės vakarus nu Varienas. Seniūnėjės cėntros. Šalėp miesta īr ežers Didžiolis. Miestė stuov Dieva Apvaizdas bažninčė (nu 1862 m.), ī vėdorėnė muokīkla, vākū darželis.
[taisītė] Istuorėjė
Daugā mėnavuojamė nu XIV omžė pabonguos, pru anus i Trakus ė Vėlniu liōb žīgious krīžiuotē. Čė bova Lietovuos valduovu itvėrtints medžiuoklės dvars. Mėslėjama, ka Vītauta čiesās (1392–1430 m.) bova pastatīta pėrmuojė bažninčė. 1457 m. (gal ė jau 1422 m.) bova valsčiaus cėntros. 1503 m. Aleksondra privėlėjuo jau vadėnamė miesto. XVIII a. pradiuo jiemė prarastė bovosė svarboma, nuors XVIII a. vėdorie vielek pradiejė pliestėis ė oficēlē miesta teisės gava 1792 m. balondė 26 d. (karto gava ė herba). 1950–1959 m. bova rajuona cėntros. 1998 m. patvirtints naus miesta herbs.
[taisītė] Pavadėnėma kėlmie
Krīžeiviu kara keliū aprašūs 1384 m. mėnavuojamė Dowge. Mėslėjama, ka vėituovardis īr asmenvardėnės kėlmies, nu Daugs daugėskaitas, nuors šėton pavardė šēs čiesās ėšninkos īr. Pagaliau, Droskėninku, Leipalingė ė Rakainiu apīlinkiesė (pėitėnie Lietovuo) pasėtaika pavardie Daugevičius, būktās Dauga soslavinta skvarma.