Sainte-Croix-See
Aus Wikipedia
| Sainte-Croix-See | |
|---|---|
 |
|
| Dàtn | |
| Låg: | Frãnkreich, Alpes-de-Haute-Provence und Var |
| Geogràfische Låg: | 43°46′N, 6°11′E |
| Gress: | 21,8 km² |
| Våssungsfamöng: | 761 Millionen m³ |
| max. Tiafm: | ca. 90 m |
| Zuaflüss: | Verdon |
| Åbflüss: | Verdon |
| Orte in da Nähe: | Bauduen, Aiguines Les Salles-sur-Verdon Ste. Croix de Verdon Riez (12 km), Moustiers-Ste. Marie (8 km) |
| Årt: | Stausee |
| Büidlgallàrie | |
 |
|
|
|
|
|
Da Sainte-Croix-See (Frãnzösisch: Lac de Sainte Croix, Okzitanisch Lac de Santa Crotz) is a Stausee in Frãnkreich, wöicha ãn da Grenz vô dé Départements Alpes-de-Haute-Provence und Var, gleng is.
D' Aufstauung vôm Verdon-Fluss is åb 1973 erfoigt, wobei da seid 'm Jåhr 1971 befindliche Sainte-Croix-Staudãmm erst 1974 fertig gstöit worn is. Da Stausee bedeggt etwoa 21,8 km² Flächn bei àna maximàln Tiafm vô etwoa 90 Meta und bis zu 761 Millionen m³ Wåssainhåit. Er is nåch 'm Serre-Ponçon-See da zwoatgreßte Stausee vô Frãnkreich.
Aufgrund vôm Aufbau vô da Staumaua bzw. da Aufstauung vôm See, is â Derfal üwaflutet worn nämlich Les Salles-sur-Verdon, wöichas 400 Meta vôm åidn Dorf wieda aufbaut worn is. Beim Aufstaun is à a historische römische Bruggn im Stausee vasunkn, dé mid naî Böng 'n Verdon üwaspãnnt håd.
Da Stausee, wöicha vur åim zur Enagieerzaigung und Wåssavasorgung gnützt wird, is a beliabts turistischs Züi. Bådn und Sörfn is erlaubt, ebmso 's Befåhrn mid Segl- und Elektrobootn. Im Summa dareicht 's Wåssa im See ãngenehme Bådetemparaturn. D' Stränd am See san hauptsächlich Kies- oda stânige Naturstränd.
Da Zuafluss Verdon durchfliaßt znàgst âne vô dé tiafstn Schluchtn vô Europa, d' Verdonschlucht, bevura ãm westlichn End unmittlbår in 'n See fliaßt.
