Liachtnstânklãmm
Aus Wikipedia
Der Àrtikl is im Dialekt „Såizburgarisch (üreg.)“ gschriem worn. |
Liachtnstâklãmm | |
---|---|
|
|
Låg: | St. Johànn im Pongau (Såizburga Lãnd, Östareich) |
Läng: | 4 km |
Tiafm: | bis zu 300 m |
Gewässa: | Großårla Åchn |
Zuagänglich: | 1 km (vô 4 km) |
Öffnungszeitn: | nur im Summa |
Besuchazåihn: | 100.000 Laid/Jåhr |
Webseitn: | www.liechtensteinklamm.at |
|
|
D' Liachtnstânklãmm is a Klãmm, a påår Kilometer vo St. Johànn im Pongau (Såizburga Lãnd) entfernt und is is åis Ausflugsziel sehr beliabt.
Inhaltsverzeichnis |
[dro werkln] Åigemeines
D' Klãmm håd a Läng vô ca. 4 km, dåvô san 1 km fir Bsucha zuagänglich. D' Föisn san bis zu 300 m tiaf. Ãn mãnche Stöin is d' Klãmm nur wenige Meta bràd. D' Klãmm is üwa Hoizsteg z' besichting, dé ständig auf Sichaheit üwawåcht wern. Ãm End vôm begehbårn Stiggé vô da Klãmm befindt sé a Wåssafåi. Üwa d' Wintamonat' is 's gschlossn. Jährlich wirds vô üwa 100.000 Laid bsuacht.
[dro werkln] Gschicht
In da letztn Eiszeit håm bis zu 300 m hohe Gletscha dé Täla und Berg vôm Pongau bedéggt. Åis sé 's Klima wieda gwãndlt håd, håd d' Urgwåit vô d' Gletscha durchs åbschmöizn d' Haupttäla ausgschliffm. Dé Foing vô dem san metahohe Geländekãntn zua d' Seitntäle hî gwesn. Da Grossårla Gebirgsbåch håd sé im Lauf vô Jåhrtausndn 'n Weg durch dé Kãntn gråbm und håd schliaßlich d' Schlucht dé fåst 300 m tiaf is aussagråbm.
Nåch a påår vageblichn Vasuachn is 's schliaßlich âna Håndvoi Pongaua Åipmvareinsmitgliadan 1875 glunga d' Klãmm z' Erschliassn. Im Lauf vô da Årweit is eana åwa s' Göid ausgãnga und sé håm sé ãn an Fürst Johann II vô und zua Liachtnstâ gwãndt, der im nåhn Großårl a Jågdwirtschåft betriem håd. Mid âna Spendn vô 600 Guidn håd d' Erschliaßung 1876 voiendet wern kenna. Seither hàsst d' Klãmm „Liachtnstâklãmm“.
[dro werkln] Sàga
Da Schmiad vô Owaårl in da Plànkenau bei St. Johànn håd seî vakrüpete Tochta 'm Taifé vaschriem, wãnn eam der d' Gàschtôana Qüöin vur seî Haus bringa dàd. D' Bedingung is jedoch gwesn, dass dés Werk voiéndet seî håd miassn, bevur da Hãh in da Friah zum erstn Måih 's krãh ãgfãnga hätt. Da Taifé is auf dén Påkt eîgãnga und håd in da finstan Nåcht mid seina Måchnschåft ãgfãnga. D' Frau vôm Schmiad - åis listige Hex bekãnnt gwesn - håd vô dém Gschäftl wind kriagt. Råsch entschlossn, woit sie da måßlosn Giar vô ihrm Mã a End z' bereitn und håd 'n Hãh kurzum in 'n Brunnentrog taucht, so dass der vur 'm Tågesãbruch zum krãh ãgfãnga håd. Wia da Taifé vur 'm Tågesbeginn mid dé Quöin gråd üwa d' Klãmm gflong is, håda z' Owaårl 'n Hãh krãh ghert und håd vabittat feststöin miassn, dass a z' spàd kemma is. Wuatentbrãnnt håda d' Quöin in d' Tiafm vô da Klãmm gschmissn so dass kã Mensch jemåis mehr fåssn kã.
Bis haid is 's à wirklich néd glunga, 's Heilwåssa vô d' Quöin z' fåssn und fir Nétzwerke åbzleitn. Sé ergiassn sé weitahî in d' Großårla Åchn.
[dro werkln] Weblinks
[../../../../../de/articles/s/a/l/Commons%7ESalzburger_Land_0ca1.html?uselang=de Commons: Salzburger Land] – Buidl, Videos und/oda Audiodatein |