Landkreis
Aus Wikipedia
 |
Der Àrtikl is im Dialekt „Obaboarisch“ gschriem worn. | |
A Kreis oder eben a Landkreis, is nach strengem deutschem Kommunalrecht a Gmoaverband und a Gebietskörperschaft geleichzeitig.
Inhaltsverzeichnis |
[dro werkln] Wia schaugt sowos aus ?
A jeder Landkreis hod so sei Gmoa und meist meng se de benachbarten Leit in der jeweiligen Gmoa überhaupts gar ned, was´s dann bsonders schwer macht, wenn a solcher Landkreis gega an andern Landkreis wos durchdrucka soi, wia zum Beispui a Gestz oder sowos.
S gibt Landkreise de ham blos 6 Gmoa, soi aber bei de Preissn a Landkreise gebm de ham glei 235 Gmoa. So wia bei de Nachbarn in da Pfoiz. Da is des ganze Land a einziger Landkreis.
[dro werkln] Wia hoassen de nachad ?
A jede Gmoa ko hoassen wias mog, eigentlich. S Dorf ko hoassen wias wui aber ned so. A boor Dörfer hoassen no ganz anders wia de andern, so hoassen zum Beispui ganz vui vo de boor owei irgend wia Bad Endorf oder Bad Töz usw. anderne de ham a Markt vorn dro stehe. Am im Prinzip ko ma sogn, das ma hoassen deaf wia ma wui, hoit nur ned a genau so.
[dro werkln] Wia gross werd jetz sowas ?
So wia ma zu am Buam ,Buam sogt, so sogt ma zu am Mo, Mo. Und genau a so is mit so ana Gmoa a. Je gresser so a Gmoa wead umso länger werd der Nama a dafür. Und je gressa das`s wern umso weniger hams dann mim Kreis no z`doa. A Stodt zum Beispui de wo mehra ois wia 100.000 Leit hod, de is sozusagen Kreisfrei. Aber des machan ned olla a so.
A Grosse Stodt, oiso a Grossstodt, muas ned unbedingt der Sitz vom Landkreis wern.
- De Große Kreisstodt Neuburg an da Donau is Kreissitz vom Landkreis Neuburg-Schrobenhausen, de Große Kreisstodt Freising is Sitz vom Landkreis Freising.
[dro werkln] Wos machan de so ?
Wenn ma jetz oiso in so am Landkreis is, dann hod ma nadürlich vui zum doa. An hauffa, so wia zum Beispui des Rammadama, oder wenn i aufram des Rammaduri und da kumman no hanz anderne Sachan daher:
- s organisieren vo de Züg und de Bus sowie da Tram
- bassen auf, das ned ois zuabetoniert werd (Natur- und Landschaftsschutzgebiete)
- an dreg wegramma deans a
- fürn Sanka san zuaständig, wenns moi wieda wo kracht hod
- d Freiwillige Feuerwahr is ja selbstredend sozusagen
- s THW für nichtbayern ->Technisches Hilfswerk (wo de san is a Katastroph, dafür kennans aba nix)
- s Gsundheitswesen
- Aufpassen deans das uns koan Schmarrn ins Essen neihaun
- aufd Viecher gebns obacht
- n Lappen (Führerschein) muasst da bei eana hoin
- dort kostn dann a glei wieda abgem wenn di d Schandamerie bsuffa aufhoit
- S Automobil muasst bei eana zualassen
- Fürd Schulen miassns grod steh
- Obacht gebm deans beim Bauen, besonderers wenns hoch hinaus wollen oder ganz weit obi.
[dro werkln] Wo kimmt des nachad her ?
S Wort Kreis hod ma gnumma um damit a politische Einrichtung mit Verwaltungsaufgaben bissl kiaza zum sprecha. Soweit ma woas warn de Tschechn de erstn, do gibts a Wort kraj (=Land) und des kimmt soch ausm Mittelalter. Am Anfangs vom 19. Jahrhundert warn´s de Preiss´n und da Oberpreiss Staatsmann Freiherr vom Stein hod gmoant des kannt er a a so macha und des wos er zum zoin hod, des kenna de jetzta seiba zoin. Ellabätsch.
Im 19. Jahrhundert und bis zum I. Weidkriag hods in ganz Deutschland ungefähr 1000 Landkreise gebm; D Gräß war a so ausgrechnet, dass da Landrat zur weidesten Gmo vo seim Kreis, am gleichigen Dog mit seim Fihrwerk und seine Ross dafahren ko. Und ned nur des, da is sogar scho die Zeid drin, die da Landrat braucht um wieder zruck zum fahren und dann seine höchst Staatsmännischen Bürden wahrzunehmen.
[dro werkln] Politisch sans a mit dabei
Und wei des a sovui Leid san, ko ma da a obm mitredn, und de de wo da mitredn san in sogenannten Organen des Kreises.
- da gibts an Kreisdog, des is de Volksvertretung vom Kreis, de alle fünf (bei uns in Bayern alle sechs Jahr) gwählt wird,
- an Landrat hamma a no und der is je nach Bundesland da Vorsitznde vom Kreisdog bzw. des Kreisausschusses und a no da Boss vo da Kreisverwaltung und
- in a boor Länder des Kreisausschuss.
Damits z Geid kemman woins heut z dog a Kreisumlage vo olle de wo dem Kreis zugehörig san. Oiso a jeda muass wieda moi brenna.
Damits a ned so kunterbunt zua geht, ham sich alle 323 Landkreise in 13 Landesverbänden und auf da Bundesebene im Deutschen Landkreisdog (DLT) zammado. Des so dann 74% vo de Aufgabenträger, 68% vo da Bevölkerung un 96% da Fläch vo Deutschland sei.
