Dihydrogenmonoxid
Aus Wikipedia
 |
Der Àrtikl is im Dialekt „Obaboarisch“ gschriem worn. | |
Dihydrogenmonoxid ko ma ois DHMO abkiazn. S'nix andas wia Wassa (zwoa Wassastoff => Di Hydrogen, oa Sauastoff-Atom => mono oxid => H2O). Aba da DHMO so schee giftig klingt und koana an Wassa denkt, macha se manche Leid imma wiada den Spaß und warnen davor, daß DHMO a ganz a gfährliche Gschicht is und mas unbedingt abschaffa soid.
Wei DHMO
- fiaht zua na Erstickung, wenn ma zvui davo eiatmt (oiso datrinkt)
- hod ma scho in Krebszelln gfundn (wia in olle andan gsundn Zelln a)
- wead in Kernkraftwerk heagnumma (freile, de brachan a a Kühlwassa)
- am Gas vom DHMO ko ma se vabrenna (klang amoi in an Dampf iaba am Kochtopf, des duad sakrisch weh)
- wem ma zlang as feste DHMO oglangt, werds Gwebe zastört (weis am Eis eigfriert)
Do ko ma se nu vui eifoin lassn.
S' soi a scho Politika gem hom, de auf so Spaßvegl ghead hom und ernsthaft vasucht ham, a Gsetz gega de Vawendung vom DHMO rauszbringa, ohne das gwußt hom, das se ums Wassa handlt.
Sowas nend ma an wissnschaftlichn Witz.
