Christoph Ransmayr

Aus Wikipedia

Der Àrtikl is im Dialekt „Owaöstareichisch“ gschriem worn.

Da Ransmayr Christoph (geboan am 20. Meaz 1954 in Wøs, Owaésdaraich) is a ésdaraichischa Schriftschdöla und Litarat.

Inhaltsverzeichnis 1 Sâi Lém 2 Brais 3 Sâine Biacha 4 Weblinks

[dro werkln] Sâi Lém

Da Ransmõa Grisdof is Roithãm bai Gmundn aufgwågsn, sâi Fåta woar a Leara. Ea håd fu 1972 bis 1978 in Wean Filosofi und Etnologi schdudiad und håd danå ois Kuituaredakdea und a ois fraia Autor fia faschidane Zaidschriftn goawat, unta ãndam fia s Magazin Extrablatt, fia s Geo, fia s Transatlantik und fia n Merian. Fu 1982 wég håd a si ois fraia Schriftschdöla duachgschlång. Nåch dém sâi Roman "Die letzte Welt" aussa kema is, woar a z waidigst auf da Roas, in Asien, Noad- und Sidamearika und in Ialãnd. Nåch Ialãnd is a a 1994 gãns umi zong und zwoa nåch West Cork.

Sâine Dext han hauptsechlich Prosa, wo a hisdoarische Faktn mid ausdåchde Gschichtn fabint. Schraim duad a auf Hochdaidsch, obwoi ma in sâine Dext schã meakt, das aus Ésdaraich kimd. Bai saine Heabiacha, dé a maistns søwa lést, rét a åwa do mea Dialekt wia Hochdaidsch. In ana online Rezension iwa s Heabuach "Die Schrecken des Eises und der Finsternis" beschwead si a daidsche Kritikarin driwa:

Der gebürtige Österreicher lässt zudem deutlich spürbar seinen entsprechenden Dialekt mit einfließen. Zwar verringert dies nicht das Gesamtverständnis, zumal der gesamte Text mit unvorstellbarer Ruhe und Langsamkeit vorgetragen wird, dennoch fällt diese Sprachfärbung, zumal wenn der Hörer nicht selbst aus dem österreichischen Raum kommt, insgesamt unangenehm auf. Nicht von ungefähr ist man generell bemüht, Hörbücher in hochdeutscher Sprache statt in Oberösterreichisch, Schwäbisch, Fränkisch und anderen Dialekten einlesen zu lassen. [1]

1997 håd da Christoph Ransmayr d Eaöfnungréd bai de Såizbuaga Féstschbü ghåidn. Ea håd doatn dé exdra fia dén Ãnlås gschriwane Kuazgschicht "Die dritte Luft oder Eine Bühne am Meer" foaglésn.

[dro werkln] Brais

• 2007 Heinrich-Böll-Brais fu da Schdåd Köln
• 2004 Grosa Ésdaraichischa Schdådsbrais fia Litaratua
• 2004 Bertolt-Brecht-Litaratuabrais fu da Schdåd Augschbuag
• 2001 Nestroy-Déatabrais
• 1998 Friedrich-Hölderlin-Brais fu da Schdåd Bad Homburg
• 1997 Kuituabrais fum Lãnd Owaésdaraich
• 1997 Solothurner Litaratuabrais
• 1996 Prix Aristeion
• 1995 Franz-Nabl-Brais
• 1995 Franz-Kafka-Brais
• 1992 Grosa Litaratuabrais fu da Boarischn Akademi fia Schéne Kinst
• 1988 Anton-Wildgans-Brais

[dro werkln] Sâine Biacha

• Strahlender Untergang. Brandstätter, Wien 1982, (mim Willy Puchner zãm) ISBN 3-85447-006-1.
• Die Schrecken des Eises und der Finsternis. Brandstätter, Wean, Minga 1984, ISBN 3-85447-043-6.
• Die letzte Welt. Greno, Nördlingen 1988, ISBN 3-89190-244-1.
• Morbus Kitahara. S. Fischer, Frãnkfuat am Main 1995, ISBN 3-10-062908-6.
• Der Weg nach Surabaya, 1997.
• Die dritte Luft, oder Eine Bühne am Meer, 1997
• Die Unsichtbare. Tirade an drei Stränden, 2001
• Der Ungeborene, oder Die Himmelsareale des Anselm Kiefer, 2002
• Die Verbeugung des Riesen. Vom Erzählen, 2003
• Geständnisse eines Touristen. Ein Verhör, 2004
• Der fliegende Berg. S. Fischer, Frãnkfuat am Main 2006, ISBN 978-3-10-062936-4.
• Damen & Herren unter Wasser. S. Fischer, Frãnkfuat am Main 2007, (mim Manfred Wakolbinger zãm) ISBN 978-3-10-062937-1.

[dro werkln] Weblinks

• Literatur vo und üwa Christoph Ransmayr bei DNB und Bibliotheksverbünden: DNB; BVB (nur vo)
• www.br-online.de/kultur-szene/ Artikl zum Brecht-Brais fia n Ransmayr
• Linkliste zu Ransmayr bai da Ésdaraichischn Gsöschåft fia Litaratua
• Online-Rezension iwa sâi Heabuach "Die Schrecken des Eises und der Finsternis" (Tanja Elskamp; 09/2007)
• Ich habe etwas Wurzelsepphaftes an mir, da Günter Kaindlstorfer rét mim Christoph Ransmayr fia n Falter (Wochnzaidung in Wean), 27. September 2006