Biermösl Blosn
Aus Wikipedia
 |
Der Àrtikl is im Dialekt „Obaboarisch“ gschriem worn. | |
De Biermösl Blosn is a boarische Musi- und Kabarettgruppn, de 1976 vo de Briada Hans (* 1953), Christoph (gnennt Stopherl, * 1959) und Michael Well (* 1958) gründet worn is. Da Nam Biermösl kimmt vom Beerenmoos, am Teil vom Haspelmoor im Landkreis Feastenfeidbruck, des in an Flughafn und a Graffegruam umgwandelt wern hät solln.
De Gruppe spuit boarische Volksmusi kombiniert mit Mundarttexte, de politisch-satirisch san. De Mitglieder da Biermösl Blosn stamman aus a 17-köpfign Lehrafamilie aus'm Dorf Günzlhofen bei Feastenfeidbruck. Aus'm Kreis vo da Well-Familie kemman z. B. aa de Wellküren oda de Well-Buam.
Sie spuin Instrumente wia Dudelsack, Alphorn, Harfe oder Didgeridoo und singan eanane Gstanzl im Dialekt.
Bekannt worn san's 1981, ois sie „versehentlich” zum Starkbieranstich auf'n Nockherberg eigladn worn san und de CSU scharf kritisiert ham. 1981 ham's in Mainz den Förderpreis zum Deutschen Kleinkunstpreis kriagt. In Bayern warn sie seither bei da CSU und am Boarischen Rundfunk weniger gern gseng. 1990 warn's mit am Gerhard Polt am Erfolgsalbum vo de Toten Hosen Auf dem Kreuzzug ins Glück - 125 Jahre Die Toten Hosen dabei. Da 1999 bayernweit bekannte Streit um de Errichtung vo am McDonald's am Irschenberg håt sie zu am Liad vom Irschenberg inspiriert.
In de letztn Jahr håt si des Verhältnis zum Boarischen Rundfunk a bisserl entspannt, sie wern nimma ganz boykottiert. A Schuibuch mit am Liad vo da Biermösl Blosn is aba no 2001 auf Anweisung vom Kultusministerium glei wieda eingstampft worn.
[dro werkln] CDs und Plattn
- 1980 Ex voto
- 1982 Grüß Gott, mein Bayernland
- 1985 Tschüß Bayernland
- 1987 Freibank Bayern (mit Gerhard Polt)
- 1991 Jodelhorrormonstershow
- 1994 Wo samma
- 1998 Welcome to Bavaria
- 2002 Räuber & Gendarm
- 2002 Der unbekannte Valentin (mit Gerhard Polt und Gisela Schneeberger)
- 2003 Unterbayern (live)
- 2004 Sepp Depp Hennadreck (Kinderlieder-CD)
- 2007 Klampfn Toni (mit am Hans Söllner)
