Vall Fosca
De Biquipedia
La Vall Fosca ye una bal perinenca de formazión glazial por on discurre lo riyo Flamisell e situata en la parte norte de la redolada de lo Pallars Chusán. Rezibe lo nome de Fosca a causa de las fuertes costeras de las montañas que la forman.
En a suya parte norte bi ha més de bente estaños por d'enzima de los 2500 metros d'altaria.
Bi ha tres bals secundarias, Ricuerna, Filià e Barranc d'Estany Gento. En lo lugar de la Torre de Cabdella s'achuntan los barrancos d'estas tres bals e forman lo riyo Flamisell, que discurre por lo monezipio de Senterada enta la Pobla de Segur on s'achunta con lo Noguera Pallaresa.
En 1914 se i costruyó la primera zentral idroeletrica de lo Pallars.
Lo lugar més alto de la bal ye Cabdella que se troba á 1420 metros d'altaria e que tanca lo conchunto de nuclios rurals que conforman la Vall Fosca: la Pobleta de Bellveí, Estavill, Envall, Antist, Castell-estaó, Beranui, la Plana de Mont-rós, Astell, Oveix, Aguiró, Paüls, Pobellà, Mont-rós, Molinos, la Torre de Cabdella, Aiguabella, Espui e la Central de Capdella.
[editar] Charrar
Se i charra catalán pallarés, pero bi ha toponimia nabarroaragonesa con unos carauters diferens á lo catalán autual e que corresponen á una fase arcaica d'aragonés:
- Diftongos en -ie-:
- Estany de Castieso (castiello e no castell), Pales de Cubiesso (cubiello e no cubell).
- O final:
- Creu de Calvo, Molinos, Montorroio, Xerallo.
- E final:
- Estany Sallente (como Sallent de Galligo)
Tot esto fa pensar que en o pasato se i charrase nabarroaragonés u que las trazas de charrar aragonesas plegasen més enta l'este en l'aria de transizión con o catalán.
