Mayestrazgo Biello
De Biquipedia
- Iste articlo ye sobre a redolada natural de Castellón. Ta atros emplegos se beiga Mayestrazgo (desambigazión).
O Mayestrazgo Biello u Mayestrazgo (Maestrat Vell o Maestrat en catalán) ye lo Mayestrazgo orichinal, una redolada natural situata en o norte de a probinzia de Castellón, á l'este de a Tergüel. Muga á lo norte con a redolada de Los Puertos de Moriella, a Tenenzia de Benifasar, y Cataluña, y á lo sur con a Tenenzia de Mirabet y a Tenenzia de l'Alcalatén
O suyo nome deriba de o catalán Maestrat fendo referenzia á lo maestre de a orden de Montesa, car a zona ha estato primero baxo a churisdizión d'a orden d'o Temple, sustituita por l'orden de Montesa n'esta zona, y por a orden d'o Espital en o territorio Tergüelano de Las Tres Bailías que con as Guerras Carlistas prenerá tamién o nome de Maestrat en catalán u Maestrazgo en castellán.
O Mayestrazgo biello u Mayestrazgo orichinal se puet subdibidir en dos redoladas prou diferenziatas: l'Alto Mayestrazgo y lo Baxo Mayestrazgo, nomes aprobeitatos por dos demarcazions ofizials que salen de a comarcalizazión de Castellón. Atras partes de o Mayestrazgo Biello s'han incluito en as redoladas d'a Plana Alta y l'Alcalatén.
