Estanislao Konarski
De Biquipedia
Estanislao Konarski (en polonés: Stanisław Konarski; o suyo nombre reyal yera Hieronim Franciszek Konarski), naxito lo 30 de setiembre de 1700 á Żarczyce; muerto lo 3 d'agosto de 1773 á Barsobia (Polonia), yera un pedagogo polonés, un reformador educativo, un escritor politico, un poeta, un dramaturgo, un monche d'Escuelas Pías y o precursor prenzipal d'a Ilustrazión en Polonia.
Entre 1725 y 1727 Konarski estudió á lo Collegium Nazarenum en Roma, an se fa un profesor de retorica. Á continuazión, t'amillorar a suya educazión, biachó enta Franzia, Alemaña y Austria. En 1730 tornó enta Polonia y prenzipió un treballo sobre un nuebo testo d'a lechislazión polonesa (Volumina legum).
De 1736 Konarski estió mayestro á lo Collegium Resoviense en Rzeszów y en 1740 establió o Collegium Nobilium, una escuela elitista de Varsovia ta fillos d'as personas d'alta clase sozial ("szlachta"). Dimpués, reformó as Escuelas Pías en Polonia, d'alcuerdo con o suyo programa educatibo (Ordinationes Visitationis Apostolicae..., 1755). As suyas reformas se tornoron un punto importán en a luita d'o sieglo XVIII ta modernizar o sistema educatibo polonés.
Á lo prenzipio, Konarski estió asoziato politicamén con o Rei Estanislao Leszczynski; más tardi, s'amanó á la "Familia" de Czartoryski y o Rei Estanislao II Poniatowski, partizipando en as conoxitas "zenas de chuebes". Estanislao II Poniatowski fazió que una medalla estase acuñata en onor de Konarski, con o suyo retrato y a inscrizión latina bien-merexita, Sapere auso.
