Estado Aragonés

De Biquipedia

Iste articlo ye sobre o partito istorico creyato mientres d'a Segunda Republica. Ta l'autual partito politico independentista se beiga Estau Aragonés.

Estado Aragonés
Lider	Gaspar Torrente
Periodo	1933-1937
Establito	{{{establito}}}
Sede	Barzelona
Idiolochía	Nazionalismo aragonés
Afillatura europeya	{{{europa}}}
Afillatura internazional	{{{internazional}}}
Chobenalla	Los Almogávares
Colors	{{{colors}}}
Web	{{{web}}}

Estado Aragonés (EA) estió un partito politico nazionalista aragonés de cuchas, que se formó en Barzelona en abiento de 1933. Beluns d'os suyos miembros prozedeban d'a Unión Aragonesista e yeran orichinarios de Ribagorza.

O suyo president yera Gaspar Torrente e entre os suyos melitants yeran Emilio Jover e Miguel Alcubierre. As suyas chobentuz, Juventud de Estado Aragonés 'Los Almogávares', dirichitas por Luis Porté, apoyoron a declarazión d'a Republica catalana por Lluis Companys o 6 d'otubre de 1934, lo que fazió que a suya siede estase trancata e que a organizazión estase inautiba dica 1936, cuan ubrioron una nueba siede e eslixioron á Miguel Alcubierre como president d'as chobentuz, o cualo prenzipió una campaña en Aragón ta lograr l'autonomía que tenió eco entre os partitos republicanos de cucha, mientres Gaspar Torrente continaba en a direzión d'o partito.

Grazias a ista iniziatiba pudo zelebrar-se o Congreso Autonomista que se zelebró en Caspe (Zaragoza) entre os días 1 e 3 de mayo de 1936, presidito por Torrente, cualo prenzipal fruito estió a elaborazión d'un debamproyeuto d'Estatuto d'Autonomía ta Aragón. EA se estió autibo dica 1937.

Renacimiento Aragonés yera lo suyo orgán d'esprisión ofizioso e no bi'n abió nunca más de 50 melitants.

[editar] Estau Aragonés en 2006

En 2006 estió creyato un nuebo partito politico, dito Estau Aragonés, inspirato en l'antigo partito de 1933. Os suyos ideals son aconseguir a independenzia d'Aragón e a liberazión d'a clase obrera aragonesa.

A suya chobenalla autual ye Astral-Mozardalla d'Estau Aragonés.