Cora de Santabariya
De Biquipedia
A Cora de Santabariya u Santaber ye a trascripzión d'o nome arabe que teneba una demarcazión territorial d'o noreste de l'Al Andalus. Teneba como capital o despoblato de Santaber, on s'achunta o río Guadiela con o río Tajo.
Preneba o nome d'o que los romans clamaban Zeltiberia, pero no correspondeba de tot á iste territorio, porque mancaba o norte d'o territorio zeltibero y preneba porzions d'a Carpetania. Parixe que aprofitaba una demarcazión territorial creyata por os bisigotos y que tamién se clamaba Zeltiberia.
S'estendeba por redoladas d'as autuals probinzias de Cuenca, Tergüel, Guadalachara y norte de Toledo.
Yera siñorío d'os berbers Zennun, pero tamién teneban importanzia os grupos Ausaya.
A suya parte norte teneba más carauter de muga que atras coras de l'Al Andalus. Bi eba muitos castiellos, guardatos por soldatos berbers.