Condato d'Aragón
De Biquipedia
- Iste articlo trata sobre o Condato d'Aragón. Ta atros emplegos se beiga Aragón (desambigazión).
O Condato d'Aragón se orichina en una faxa monteriza en o Perineu zentral que encluyiba las bals d'Ansó, Echo y Canfrán.
Ba naxer como un intrés d'a dinastía franca Carolinchia de protecher a suya muga sur d'as posibles enrestidas musulmanas.
Anque en un comenzipio estio baxo a tutela d'os reis francos, mientres iba estendillando-se por a compleganza altera d'o río Galligo se eslurtaba d'o emparo carolinchio y s'acercaba a lo nuclio de gubernans de Pamplona.
A lo afeminar-se a ringla suzesoria d'os contes d'Aragón y aber casato a la eredera d'o condato, Andregoto Galíndez, con o rei de Pamplona Garzía Sánchez I fa que o suyo fillo d'os dos, Sancho Garzés II lebase os tetulos de rei de Pamplona y conte d'Aragón.
Istos tetulos irán unitos dica l'añada 1035 en que o testamento de Sancho lo Mayor, trestalla istas tierras entre os suyos fillos y anque Remiro I d'Aragón ereda con tetulo de conte supeditato a la corona de Pamplona, luitó lo increyible por consiguir a suya independenzia.
O fillo de Remiro I, Sancho Remíriz, y o fillato Pietro I consiguen que Aragón entre a formar parti d'os estaus ozidentals a tetulo de Reino; encara asinas se considera a Remiro I como primer rei d'a dinastía aragonesa.
