De Biquipedia
O chaqués ye a bariedat de l'aragonés de a redolada de Chaca, a zona de o Biello Aragón más plana, fuera de as Bals de o Pirineu Axial: Aratorés, Castiello de Chaca, Caniás, Nobés, Guasillo, Asieso, Banaguás, Abay, Atarés, Ipás, Badaguás, Baraguás, Guasa, Grazionépel, Barós, Orante, Ulle, Nabasa, Nabasiella, Lerés, Espuendolas, Larrés, Borrés, Martillué, Pardiniella, Xarlata, Cartirana, Sasal, Samianigo y Frauca. Talmén podamos incluyir-ie Billanuga, Garzipollera y a Bal d'Acumuer.
Manuel Alvar lo estudió en os años 40. Güei tiene una bitalidat muito baxa y nomás lo conoxen que os biellos.
- Bi ha casos de diftongazión en -ua-, tot y que predonima de raso a diftongazión -ue-:
- Bi ha casos de perduga de -o final:
- Pleber se mantiene Plober, sin disimilazión en l'areya oriental coinzidindo con o pandicuto.
- A F- inizial ya se perdeba en os años 40-50 en caso que l'aragonés cheneral no la pierde:
- oz, orca, en cuenta de falz, forca.
- Bi ha muitos exemplos de conserbazión de as oclusibas xordas interbocalicas latinas, encara que predomina a sonorizazión:
- paco, escopallo
- gayata, espata, cleta, recutir
- melico, espícol, caxico, artica
- A x a begatas se castellaniza ta ch u j:
- bucho, chordiga, conbibindo con buxo y xordica, casos que probién de a -X- latina.
- fajinadero, faja, jadón, casos que probién de a -SK- latina.
- En l'areya oriental asobén trobamos o cambeo de -ch- enta -ts-
- tsugar en cuenta de chugar
- Esiten bels casos de sonorizazión dezaga liquida:
- O grupo -tr- gosa eboluzionar ta -ir-, (cuairón, flaire, pelaire), cosa muito común en aragonés cheneral, pero bi ha bel caso de conserbazión:
[editar] Morfolochía
- En os plurals en -rs a r puet pronunziar-se en l'areya ozidental y zentral, pero se pronunzia en l'areya oriental, coinzidindo con l'aragonés cheneral.
- Encara se documenta bel emplego de a particla pronominoalberbial i, pero con escaso emplego:
- ixe campo lo-i muga
- en i ai, tamién i ai
- L'achiquidor ye -et se pronunzia -é. L'achiquidor -on ye más bibo en l'areya oriental.
- En morfolochía berbal, l'areya oriental tamién ye más conserbadora porque alza a desinenzia -nos en os esdrúixols de 1º presona plural, y a desinenzia -z de segunda presona plural, que s'han perdito en as areyas zentral y ozidental.
- I trobamos lesico oriental:
- demoré, xugamanos, enfilar.
- Güella se diz en l'areya oriental pero no pas en as areyas zentral y ozidental.
- Predomina de raso o lesico ozidental:
- calderizo, cremallos, milloca, cornizas, etz...
- Palabras propias:
- cadín, bresullo, islau, entexir, tembo, copio
- Muitas palabras se troban fosilizatas con un sentito muito más reduzito que en aragonés orichinal y cheneral, como s'ha desbenito en o lesico aragonés de o castellán d'Aragón:
- Espullar no s'emplega con ropa, sino con o sentito d'esbarafollar a pinocha de panizo.
- Aconortar ye nomás que abegar, no tiene o sentito de consolazión como en Alquezra.
- Busar, que bién de gosar sinnifica nomás que deber de
- Esbrusar sinnifica nomás que desmenuzar, en Bielsa tiene un sinnificato más amplo.
- A l'ueste de o río Aragón ye más parexito a l'aisino, aragüesino, cheso y ansotano. Ye o Charrar de Aratorés, Castiello de Chaca, Caniás, Nobés, Guasillo, Asieso, Banaguás, Abay, Atarés.
- En a zona más oriental tién cosas comuns con o tensino, sarrablés y semontanés. Ye o charrar de Lerés, Espuéndolas, Larrés, Borrés, Martillué, Pardiniella, Xarlata, Cartirana, Sasal, Samianigo y Frauca. Ye millor conserbato.
- En a zona zentral beyemos as dos influyenzias. Ye o charrar de Ipás, Badaguás, Baraguás, Guasa, Gracionépel, Barós, Orante, Ulle, Nabasa, Nabasiella.