As Tres Serols
De Biquipedia
| Punta Tres Serols | |
 |
|
| Altaria | 3.355 m |
| Latitú | 42° 40′ N |
| Lonchitú | 0° 05′ E |
| Situazión | Bal d'Ordesa, Uesca, Aragón |
| Cordelera | Perinés |
| Primera puyada | - |
| Rota de puyada más fázil |
Dende o Cubillar de Góriz |
As Tres Serols u tamién dito lo Mont Perdito ye o mazizo calsinoso más alto d'os Perinés e d'Europa. O suyo pico de más altaria ye o Mont Perdito con 3.355 m. O mazizo de Mont Perdito, conoxito por As Tres Serols, lo composan os Picos de Mont Perdito (3.355 m), Zelindro (3.328m.), e Añisclo (3.263 m.) clamato tamién, iste zaguer, Soum de Ramond. En iste seutor se i troban 22 tucas de más de 3.000 m.
O mazizo d'as Tres Serols forma parti d'o Parque Nazional d'Ordesa e d'as Tres Serols, formato por 4 bals de estraordinaria polideza: Ordesa á lo surueste, Añisclo á lo sur, Escuaín á lo sureste e Pineta á l'este. Parti d'o mazizo s'interna á lo norte en territorio franzés, formando parti d'o Parc National des Pyrénées Ozidentals (Parc national des Pyrénées), destacando a Bal e Zirco de Gavarnie (Gavarnie), atro polito zirco chelegar que en a suya cabezera tien o salto d'augua más alto d'Europa, con más de 400 metros de caíta bertical.
En a cara Norte d'o Mont Perdito se i troba un d'os poquez glaziars que siguen esistindo en os Perinés, anque en pando pero contino retacule. Se trata d'una luenga con muita pendién, que tien un fren d'unos 750 metros e ba dende os 2700 á los 3500 metros d'altaria.
Entre os montañers, Mont Perdito goza d'una gran popularidat debito á que ye un tresmil pro fázil d'enrestir. A bía normal de puyata s'efeutua dende o Cubillar de Góriz (2100 m), á on ye abitual pernueitar, e a canal de "a escopidera", un d'os puntos negros d'o Perineu á on s'ha amortato muita chent intentando adubir a tuca.
Iste mazizo ye encluso dentro d'a Reserba d'a biosfera Ordesa-Comachibosa declarata por a UNESCO en 1997.
