Aquitán

De Biquipedia

Os aquitans estioron os abitans prerromans de o territorio situato entre a Garona y os Perinés, d'alto u baxo l'autual Gascuña, antiga Aquitania enantes de os romans.

Por l'aspeuto fesico y lur luenga, Estrabón considera á os aquitans más parexitos á os galos. Seguntes este mesmo autor yeran dibiditos en bente pueblos. Endica que cautibaban o millo (lochico por a pobreza de o suelo y dureza de o clima). Entre os pueblos que zita i son:

• Tarbelli; en l'aria de Tarba, con minas d'oro.
• Convenae; en Comenche, á la que daron nome.
• Auscii.

Licinio Craso, legato de Zésar, chusmetió en 57 aC á os aquitans. Se rebeloron en 51 aC, 38 aC y 27 aC.

[editar] Relazions con pueblos de o Sur de os Perinés

A epigrafía d'epoca romana endica que esistiba una luenga emparentata con o basco autual (posiblemén o propio protobasco), que coesistiba con o galo.

A relazión de os aquitans (akkitanoi en grieco) con os antigos iazetans (iaketanoi en grieco) s'ha dato por buena, pero no s'ha parato cuenta que o parexito d'os nombres nomás ye casual, ya que os iazetans prenen lur nome de a ziudat de Iacca (autual Chaca).

Esiste a ipotesis seguntes a cual os bascos autuals no se remontan á os antigos bascons de a Bal de l'Ebro, sino á o pueblo aquitán de os Auscii. De feito Ausc parixe a mesma radiz que se troba en Euskaldunak (qui charra basco), y a zeca monetal Barscunes se puet interpretar a partir de o zelta montañeses. Seguntes esta ipotesis a presenzia de a luenga basca fueras de l'aria perinenca s'espliaría por a estensión de o mobimiento bagauda dende Aquitania ta Ispania en os zaguers sieglos de l'Imperio Román y en o periodo de as imbasions y reinos barbaros.