Antares
De Biquipedia
Antares (α Scorpii) ye una estrela, o nombre d'a cual prozede d'o grieco "pareixito á Ares" u "enemigo d'Ares", probablemén perque a suya tonalidat royisca recuerda la d'o planeta Marte. Ixa colorazión espezial ha feito d'a estrela un ocheuto d'intrés ta muitas soziedatz á lo largo d'a istoria, e muitos d'os antigos templos echipzios s'orientoron á fin que a luz d'Antares fese un paper importán en as zeremonias que se i zelebraban. Antares yera una d'as cuatre "estrelas reyals" d'os persas á redol d'o 3.000 a.C., e bels escritors aseguran que ye a "estrela lanza" á la que fa referenzia o libro biblico de Yob.
Antares ye un estrela chigant de clase M, con un diametro d'aprosimatamén 6,24 x 108 km, una mica més d'a distanzia entre o Sol e o planeta Marte. A suya densidá ye bien chica. A distanzia ye de 604 años luz. Ye a estrela més brilán (α Scorpii) d'a constelazión d'Escorpio.