Agnostizismo

De Biquipedia

L'agnosticismo (d'o grieco a = no e gnosis = conoximiento) ye una postura relichiosa u filosofica sobre a relichión d'alcuerdo á la cuala la existenzia u no d'un dios u una mitolochía de deidaz, ye esconoxita e por ixo irrelebant. A existenzia u no d'un dios no ye irrelebant por estar esconoxita, sino por no poder estar conoxita u otener denguna zerteza sobre ixe feito. "Un problema sin de soluzión no ye un problema".

En bellas bersions (agnostizismo enreble) ista manca de zerteza u conoximientos ye una postura personal relaxionata con o eszeutizismo. En atras bersions (agnosticismo fuerte) s'afirma que o conoximiento sobre a existenzia u no de sers superiors antimás de que no s'ha adubito tampoco no ye posible d'adubir. Por atra parti bi ha bersions (apateísmo) en as cualas s'afirma que a existenzia u no de sers superiors antimás de que no ye conoxita ye irrelebant.

En cheneral os agnosticos consideran que as relichiones, anque no son una parte alazetal d'a condizión umana, sí lo son d'a cultura e d'a istoria umana.

Os agnosticos no son nezesariament antirrelichiosos, sino que respetan totas as creyenzias que probienen d'una reflesión indibidual e onesta, e no d'un intrés egoista, d'o desaspero u d'a presión d'a soziedat. L'agnostico entiende a fe nomás como una ozión personal de cada indibiduo.