Αlfa
De Biquipedia
| Letras griecas | |
| Α α Alfa | Β β Beta |
| Γ γ Gamma | Δ δ Delta |
| Ε ε Epsilón | Ϝ ϝ Digamma |
| Ζ ζ Dseda | Η η Eta |
| Θ θ Zeta | Ι ι Iota |
| Κ κ Kappa | Λ λ Lambda |
| Μ μ Mi | Ν ν Ni |
| Ξ ξ Ksi | Ο ο Omicrón |
| Π π Pi | Ϻ ϻ San |
| Ϙ ϙ Qoppa | Ρ ρ Ro |
| Σ σ Sigma | Τ τ Tau |
| Υ υ Ipsilón | Φ φ Fi |
| Χ χ Ji | Ψ ψ Psi |
| Ω ω Omega | Ϡ ϡ Sampi |
| Alfabeto grieco | |
L'alfa ye a primera letra de l'alfabeto grieco. S'escribe Α en mayuscla e α en minuscla. A suya balura numerica en grieco yera d' 1. Acostumbra á trascribir-se como a.
L'orichen de a letra e de o nombre ye fenizio. En l'alfabeto fenizio, como en altros alfabetos semitas, o nombre de a letra ye aleph. A letra tien o suyo orichen en a representazión de a capeza d'un güei, rotata 45º ta la dreita en l'alfabeto fenizio e 90º en o grieco.
De l'alfa grieca prozede l'A d'altros alfabetos d'orichen europeu como lo latino u o zirilico.
Usos de l'alfa mayuscla, Α:
- En o cristianismo, simboliza lo inizio. Acompañata d'una omega, a zaguer letra de l'alfabeto grieco, simboliza o prenzipio e a fin, endicando la eternidá de Dios.
Usos de l'alfa minuscla, α:
- En fesica, ye o simbolo de l'azelerazión angular, tamién emplegato ta la particla alfa e a radioautibidá alfa.
- En quimica, ye o simbolo de o grau de disoziazión.
Como achetibo, á ormino endica la primera u prenzipal d'una serie de cosas: un masclo alfa, a estrela alfa d'una constelazión, una bersión alfa...
En literatura, Alfa ye a casta superior e más intelichén en a satira distopica d'Aldous Huxley, Brave New World (Polito mundo nuebo).
En o clamato alfabeto fonetico de a OTAN, alfa ye o nombre asoziato á la letra A.
