מנחם מענדל שניאורסאהן
פֿון װיקיפּעדיע
 |
דער ארטיקל בנוגע אידישקייט איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |
רבי מנחם מענדל שניאורסאן דער לעצטער ליובאוויטשער רבי. איז געבױרן געװארען פרייטיק, י"א ניסן אין יאר ה'תרס"ב (1902) אין דער רוסישער שטאט ניקאָלאַיעװ, היינט אוקראינע. י"ד כסלו תרפ"ט האט ער געהיירעט רביצין חיה מושקא שניאורסאהן, די מיטלסטע טאכטער פון דעם זעקסטן ליובאוויטשער רבי'ן, אדמו"ר ר' יוסף יצחק שניאורסאהן. ער איז געקומעו קיין אמעריקע כ"ח סיון תש"א.
דער ליובאוויטשער רבי איז געווען באוואוסט אלס א גאון עולם, א בקי נפלא אין אלע טיילן פון תורה, ווי אויך אן אויסערגעוויינלעכער מלומד אין וועלטלעכע וויסנשאפטן. ער האט רעוואלוציאנירט אידישקייט, שיקענדיק טויזנטער שלוחים איבער די גאנצע וועלט צו פארשפרייטן תורה און אידישקייט.
[בעאַרבעטן] לעבנסגעשיכטע
רבי מנחם מענדל שניאורסאן איז געבוירן י"א ניסן ה'תרס"ב אין ניקאלאיעװ. זיין פאטער, רבי לוי יצחק שניאורסאן, איז געווען דער שטאטס רב פון יעקאטרינעסלאוו צווישן די יארן 1907 - 1939. זיין מוטער איז געווען חנה, א טאכטער צום רב פון ניקאלאיעוו, הרב מאיר שלמה יאנאווסקי. זיין פאטער איז געווען זיין הויפט רבי. ער האט געלערנט ש"ס און פוסקים, און אויך קבלה פון א חסידישן שטאנדפונקט. צו 16 יאר האט ער אנגעהויבן לערנען מאטעמאטיק.
אין 1928 האט ער חתונה געהאט מיט חיה מושקא שניאורסאן, די טאכטער פון דעם לובאוויטשער רבי'ן ריי"ץ. די חתונה איז פארגעקומען אין ווארשע, פוילן; כמעט אלע פוילישע רבי'ס זענען געווען אויף דער חתונה. נאך דער חתונה האט דאס יונגע פאר פאלק געצויגן קיין בערלין. דארטן האט ער שטודירט א שטיק צייט מאטעמאטיק און פילאזאפיע אין אן אוניווערסיטעט.
אין 1933 האט הרב שניאורסאן געצויגן קיין פאריז, דארטן האט ער שטודירט עלעקטרישע אינזשעניריע.[1] אין 1941 איז ער אנטלאפן פון פראנקרייך און אום כ"ח סיון ה'תש"א איז צוגעקומען צו זיין שווער, הרב יוסף יצחק שניאורסאן, אין דעם קרוין הייטס געגנט פון ברוקלין. אין יענער צייט האט ער געארבעט אלס אינזשעניר אין דער אמעריקאנער פלאט.
