Элст

From Wikipedia

Зура:Әрәсән балһсдуд

Элст — Хальмг таңһчин хот-балһсн. Бүүрлсн әмтн: 103 300 күн (2005), залу: 45,3 %, күүкд күн: 54,7 %.

1 Тууҗ
2 Элстан өврҗтә тоот
3 Театрт, музеит, кинотеатрт
4 Сурһлһнр заведень
5 Шаҗна тосхлт
- 5.1 Сәкүсн-Сүм
- 5.2 Һол хурл
6 Заалт

[edit] Тууҗ

Элст 1865-ч җиләс авн эклнә. 1927-ч җил Хальмг Таңһчин хотл балһсн болсмн. 136 җил хооран элстә, уста, ноһата, булгта һазрур хальмгудуд нүүҗ ирлә.

[edit] Элстан өврҗтә тоот

Элстд өврҗтә тоот олн. Сити-чесс, Сәкүсн сүм, Хальмг государственн университет болн нань чигн юм хәләҗ чадҗанат. Элстин цутхднд Ленинә нертә талвң бәәнә, тавлң деер пагода дүңгәнә. Өөрнь Цаган гер зогсчана. Эн тосхлт хаҗуд Будда Багшин бумблв бәәнә. Байсрлснчнр цагтан, зовлңг үзсн цагтан әмтн ирәд бурхндан мөргнә. Эн бумб ноһан урһмл модн заагт зогсҗана. Хол биш серүн фонтан асхрна. Зуна халун цагт энүнә өөр дала әмтн ирәд амрна. Энүнд зурганчн цокулх арһ бәәнә. Бичкдүд нааран ирҗ наадһа машидәр гүүлгнә. Нәәмдгч микрорайона захд ик өндр толһа деер бас нег бумблв бәәнә. Энүг ачта скульптор Эрнст Неизвестный Сиврүр туугдсн хальмгудт нерәдв. Элст декәдчн олн зүсн бумблвсар байн. Теднь: О.И.Городовиковин, Ээлән Овлан, Хоңгрин Элстин уульнцар йовсн цагт күүнә нүдн байрлна.Төгәлнд ке-сәәхн модд сарслдад зогсна, олн зүсн цецгүд каңкнна. Асхднь болхла, балһсн олн зүсн өңгтә герләр герлтнә.

[edit] Театрт, музеит, кинотеатрт

Элстд бәәдг улс өдр болһн кинотеатр одна. Эднә нерднь: "Родина" ("Төрскн"),"Октябрь" ("Хулһна сар"),"Җаңһр". Кесг театр бәәнә: Басңга Баатрин нертә драмтеатр, орс театр, зара гидг театр. "Родина" ("Төрскн") кинотеатрин өөр Амр-Санана нертә дегтрин саң бәәнә.

[edit] Сурһлһнр заведень

Элстд дала сурһулин заведеньс бәәнә. Теднь: Хальмг государственн университет, автомобилин-халһна техникум, эмчин болн хот кеһәчин колледжмуд, белг-эрдмтә училищ, гуманитарн, коммерческ болн техническ лицеимуд, 3-ч профессиональн училищмуд, дунд сурһуль болн күүкдин сад бәәнә