Autonomo nga Rehiyon ha Muslim Mindanao
Tikang ha Wikipedia
 |
|
| Sentro han Rehiyon | Syudad han Cotabato |
|---|---|
| Populasyon | |
| – Densidad | ha tagsa km² |
| Kahaluag | km² |
| Mga Pagbahinbahin | |
| –Mga Probinsya | 6 |
| – Mga Syudad | 1 |
| – Mga Bungto | |
| – Mga Baranggay | |
| – Mga Distrito ha Congreso | |
| Mga Yinaknan | |
An Autonomo nga Rehiyon ha Muslim Mindanao (kon ha literal nga Winaray: Naglulugaring nga Rehiyon ha Muslim nga Mindanao; ha Iningles:Autonomous Region in Muslim Mindanao o ARMM) han Pilipinas amo in lima nga probinsya ngan usa nga syudad nga amo an: Basilan, Lanao del Sur, Maguindanao, Shariff Kabunsuan, Sulu, Tawi-Tawi ngan an Syudad han Marawi. An Syudad han Cotabato amo an sentro han rehiyon ngan lingkoranan han gobyerno rehiyonal han ARMM, pero iton syudad mismo kabahin han Rehiyon XII.
An Executive Order No. 36 nagbalhin han Basilan tikang ha Rehiyon IX ngan an Syudad han Marawi tikang han Rehiyon XII.
[igliwat] Kaagi ngan Kasaysayan
Ginhimo anay an rehiyon dida han Agosto 1, 1989 pinaagi han Republic Act No. 6734 nga tinatawag gihapon nga Organic Act. Gin-opisyal nga pag-inagurar an ARMM han Nobyembre 6, 1990 ha Syudad han Cotabato.
[igliwat] Politika
An rehiyon pinangungulohan hin Rehiyonal nga Gobernador. An Rehiyonal nga Gobernador ngan ah Rehiyonal Bise-Gobernador gin-eelihir ha direkta nga pagbutos ngan pinaagi hin block nga butos sugad han Presidente han Estados Unidos (gawas la hiton Kolehiyo Elektoral). An mga ordinansa rehiyonal ginpapasa han Asamblea Rehiyonal nga an mga miyembro hini mga Asembleyista nga pinili gihapon hin direkta nga pagbutos. An mga rehiyonal nga pinili-ay ginbubuhat ha kaurogan mga usa ka tuig katapos hiton heneral nga pinili-ay (nasyonal ngan lokal) depende kon ano an naipasa nga balaodnon han Kongreso Pilipinhon. An mga rehiyonal nga opisyales mayda term hin tulo ka tuig; puyde ini igpauru-iha pinaagi han balaod.
Tikang han Septyembre 30, 2005, hira Zaldy Ampatuan ngan Hooky Alonto Adiong amo an gobernador ngan bise-gobernador.
[igliwat] Kitaa Gihapon
- Pilipino nga Muslim
- Bangsamoro
- Islam ha Pilipinas
| Mga Rehiyon han Pilipinas | |
| Luzon: | Metro Manila | Administratibo nga Rehiyon han Cordillera | Ilocos nga Rehiyon | Siong han Cagayan | Butnga nga Luzon | CALABARZON | MIMARO | Bicol nga Rehiyon |
| Kabisay-an: | Katundan nga Kabisay-an | Butnga nga Kabisay-an | Sinirangan nga Kabisay-an |
| Mindanao: | Peninsula han Zamboanga | Amihanan nga Mindanao | Davao nga Rehiyon | SOCCSKSARGEN | Caraga | Autonomo nga Rehiyon ha Muslim Mindanao |
