Tanganyika
Èn årtike di Wikipedia.
.svg/180px-Flag_of_Tanganyika_(1919-1961).svg.png)
Li Tanganyika fourit-st on vî payis e l' Afrike levantrece, lomé d' après l' lak Tanganyika, k' esteut si frontire coûtchantrece. E 1964 i s' va ratrocler avou Zanzibar po ahiver li Tanzaneye.
Di 1884 a 1919 (disk' å traité d' Versailles) fourit ene colneye almannde, lomêye l' Afrike Levantrece Almande, ki va esse ocupêye påzès britanikes tins del Prumire guere daegnrece. A pårti d' 1922 li payis sreut administré på Royåme Uni pa on mandat del Soce di Nåcions, rinovlé e 1946 pazès Nåcions Uneyes.
Li 9 di decimbe 1961 li payis s' dislaxhe, eyet l' 9 di djun 1962 i dvént ene republike.
Li no e lingaedje suwahili do payis (et do lak) vout dire å dla (ou padrî) l' Tanga, dj' ô bén l' erî-payis des djins ki vikèt sol coisse el veye di Tanga.
