Poere
Èn årtike di Wikipedia.
Ene poere, c' est on longou frut, pus lådje å cou k' al copete, avou ene fene pelote djaene-vete ey ene blanke, tinre et soucrêye tchå.
Li poere vént sol poerî
Li poere est d' ene ôte indje kel poere di cwin.
No e sincieus latén Pyrus spp.
Famile : rôzacêyes.
Li mot "poerî" avént eto kécteye ezès nos d' plaeces.
E walon, gn a sacwantès ratourneures avou l' mot "poere".
Ådvins |
[candjî] Les pårteyes d' ene poere
- li cawe
- li moxhe
- li tchå.
- li ragosse (çou ki dmeure cwand on-z a magnî l' bon), avou les piretes.
[candjî] Vinaedje des poeres.
Florixhåjhe des poerîs : diviè l' moes d' may, el Walonreye. Codåjhe : diviè l' moes d' octôbe; disk' å moes d' decimbe po les sôres d' ivier. Ene trop ptite poere, må vnowe, si lome ene tchitche u on tchitchon. Pacô, ele sont pindowes cåzu al minme plaece, en on tchacossea
[candjî] Viyès sôres di poeres del Walonreye
- li poere Mitchî u poeres di Mitchî.
- li poere di longue
- li rigåd.
- li pépé.
- li bergamote
- li ptit petrea.
- li poere di cardinå: sôre di poere d' ivier.
- li poere di coirdjibåd.
- li transene, citêye pa J. Calozet, mins ki n' egzisteut pus al fén do 20inme sieke.
- li baluron.
[candjî] Magnaedje des poeres
- totes crowes.
- dins des weks.
- come cûtès poeres: Dinltins, copurade a Lidje, gn aveut des martchandes k' endè vindént avå totes les voyes.
- poere å vinaigue, k' on wårdéve dins des grands pots d' grès.
