Grevesse ås rodjès pates
Èn årtike di Wikipedia.
Li grevesse ås rodjès pates, c’ est l’ seule grevesse ki vikéve dispu todi el Walonreye. Mins end a todi moens dispu l’ deujhinme mitan do 20inme sieke.
No e sincieus latén : Astacus astacus
[candjî] Vicansté del grevesse ås rodjès pates el Walonreye
Disk’ el prumire mitan do 20inme sieke, gn aveut des grevesse ås rodjès pates dins totes les corantès aiwes del Walonreye. Ey eto dins les vivîs et les abandnêyès cårires.
Mins dispu k’ on vude les saiwaedjes des veyes dins les ris, li peuplåcion a bråmint baxhî.
Deus studias ont stî fwaits d’ on cinte di rcwerances di Djiblou, li prumî di 1982 a 1986, li deujhinme di 1990 a 1996, li troejhinme e 2003.
E 1996, n’ aveut pus ki 9 ris et 103 vivîs et cårires avou des grevesses divins. E 2003, end aveut pus ki 77 (dins les cropantès aiwes).
Li grevesse ås rodjès pates est e lûtance po sorviker avou 4 ôtès sôres di grevesses vinowes d’ ôte pårt, et ki sont bråmint pus vorasses ki leye. Avou ça k’ elle edjîstrèt ene tchamosseure ki coixhe li grevesse do payis, et finit pal fé crever (plåke ås grevesses).
Po-z espaitchî li dzindjnaedje del grevesse ås rodjès pates, gn a des SNR k’ ont stî metowes so pî, inte di zeles, a Teu (Soce di Teu po l’ Evironmint). [1]
[candjî] Sourdants
- ↑ Wallonie nouvelle, l° 72, fevrî et måss 2008.
