Fåve
Èn årtike di Wikipedia.
Çouchal c' est ene pådje d' omonimeye, ki mostere les årtikes avou l' minme no mins so des sudjets diferins.
Ene fåve (on prononce fåf, fôf, u fâf; on scrijheut eto fauve, fâve, fôve, flâwe, flôwe, flôve - e 20inme sieke -; faufe - e 19inme sieke), ça pout esse:
Ådvins |
[candjî] ene fåve di djåzantès biesses
Istwere ki mete el sinne des biesses ki djåzèt, come dins les fåves di Lafontinne (e francès), u les fåves do Baron d' Fleuru.
[candjî] ene fåve couyonåde
Istwere po rire (on dit eto: ene couyonåde, ene boûde, ene coye, ene paskeye, ene rirêye, ene minte). Èn egzimpe e walon: Les fåves da Fernand da Maurice Georges.
[candjî] Fåves do vî vî tins
Ene istwere do vî tins, k' on raconte dispu todi dins on payis k' i gn a, ki n' a nén l' air vraiye, mins k' gn a des djins assez po-z î croere.
[candjî] Rime-rame divant d' raconter ene fåve
Divant d' raconter ene fåve a des efants, li conteu dit cobén (po lzès djéryî):
- Fåve, fåviron
- Cwate vesses å posson;
- L' posson k' est trawé;
- Cwate vesses a vosse nez.
ôtès modêyes
- Fåve, fåviron, fåvirete, troes vesses e posson. La l' posson trawé, troes vesses a vosses nez !
- Fåvi fåvon, Troes vesses e posson ! Posson trawé, Troes vesses a vosse nez !
- Fåvirete et fåviron Troes vesses e posson ! Li posson k' est trawé, Troes vesses so vosse nez !
- Fåveri fåveron; Troes vesses e posson ! Li posson k' est trawé, Troes vesses so vosse nez !
Li rime-rame "fåve, fåviron" (dizo disfondowe flå, flåviron), må riscôpé, a eto siervou di tite al ramexhnêye di fåve da Lafontinne, ratournêyes pa Bernard Jacob.
