Thor
Uit Wikipedia
Thor is den god van den dunder en den bliksem en van den orloge by de Germoann. De west-Germoann noemdegen em Donar. Thor is de zeune van Odin en de reuzinne Jörd. Ze vrouwe noemt Sif, mo der is nie vele over ur gekend buutn da ze goukdn oar eet, dan de dwergen vor ur gemakt en achter da Loki, den intrigant van de Germoanse goodn, ol ur oar afgesneen aat. Je kut em erkenn an z'n rost oar en z'n woestn board.
Thor rydt in een karretje da voorsgetrokkn wor deur twêe gêtebukkn, Tanngniost (tangdenknarser) en Tanngrisnir (tangdenknetteroare). Ost y ip zyn tochtn ounger eet kut y zyn bukkn rosteren en ipeten, en ost y gedoan eet moet y mo een overschotje van under anraakn en ze kommn were levend en ze kunn geweune were verdertrekkn.
Thor eet 3 attribuutn die em de sterkstn van de goodn maakn, nog sterker zelfs dan Odin:
- J'eet een amer, Mjöllnir, de vermorzeloare, die gemakt is deur den dwerg Brokk. Os Mjöllnir gesmeetn wordt, kêert y oltyd were no den deen die em gesmeetn eet. Uut Mjöllnir kommn der vierbollen en bliksems.
- J'eet een centeure, Megingjord, die em twêe kêern zo sterk makt of dat y ol is.
- J'eet twêe yzern andschoenn, Jarn Griepr, wodat y Mjöllnir ku vastoedn.
De west-Germoanse name van Thor, Donar, eet de name gegeevn an et fenomeen 'dunderen' en ook an den dag die z'n name draagt, noamelik dunderdag.
