Pietjekuntje
Uit Wikipedia
- Dit artikel es geschreevn in 't Ypers, en da zou best ozô bluuvn.
| Pietjekuntje | |||||||||||||
|---|---|---|---|---|---|---|---|---|---|---|---|---|---|
 E pietjekuntje |
|||||||||||||
| Taxonomische indêlienge | |||||||||||||
|
|||||||||||||
| Sorte | |||||||||||||
| Troglodytes troglodytes Carolus Linnaeus, 1758 |
Pietjekuntjes of winterkeuningskes (Troglodytes troglodytes, Nederlans: winterkoning of winterkoninkje) zyn klêne zangveugeltjes uut e familie va veugels die bykan ollêne vôornkomn in Nôord-Amerika. 't Pietjekuntje is 'n ênigsn van die familie die in Europa leeft.
Inoud |
[bewerkn] Uutzicht
't Zyn klêne, brune veugeltjes (de grotste komn juste langer of 10 cantmeiter), die ier en doa e bitje lichtere strieptjes en (setoe up nundern steirt, die rechte stoat in te plekke van achter nem angt, lik van de mêeste aar veugels). Z'oen nunder koptje ossan e bitje no beneen.
[bewerkn] Verspreidienge en leefgebied
Pietjekuntjes komn verre in hêel Europa vôorn, mor oek in Azië (toet in Japan) en in Nôord-Amerika.
't Zyn (lik de mêeste veugels oel ier) in d'êeste plekke veugeltjes die in busschn leevn, mor oendertusschn en ze nunder styf goed anepast an't leevn in oopn en in bebouwd gebied.
[bewerkn] Leevnswyze
[bewerkn] Teetn
't Zyn veugels die joagn up olle sôortn fernient en up kobbn. In de wienter, atter nie vele gin fernient ne mir is, zoekn ze setoe achter bêesterie in gerretjes in boomn.
A't styf koud is, duvn ze in de wienter wel eki wegkruupn in diepe goatn in boomn (nunder Latynsche noame wult olbeweuner zeggn).
[bewerkn] Vôortplantienge
't Zyn de vintjes die nest droagn (e nest van ôoi, mos en aar planterie), oltemets mêerdere (toet zeevn) per territorium. De wuvetjes kiezn doa toene intje uut woa danze in leggn. Ze droagn nest in struukn of klêne bomtjes, mor oek oltemets in aar diengn (lik buuzn of e gat in e meur).
Ze kunn drie nestn 't joar en, met ider kêe tusschn de vuuf en de achte joengn.
