Battlestar Galactica
Uit Wikipedia
Battlestar Galactica es een Amerikoanse TV-serie, of beter gezeid collectie van TV-series. 't Es een Science Fiction serie die em in een niet noader bepoalde tyd ofspeelt.
Inoud |
[bewerkn] Ôofdverhoal
Oloewel da't er deur de tyd verschillende versie van gemakt zyn, es et ôofdveroal oltyd etzelfde: et minselike ras weirdt biekans hêlegans uutgeroeid deur een ras van robottn: de Cylons. Die robottn woarn ountworpn deur de minsn zelve, moar zyn ip een bepoald moment zodoanig intelligent gekoomn da ze voor udder zelvn kostn peizn en in ipstand gekoomn zyn teegn udder moakers. Achter de grôten aanval van de Cylons ip de 12 kolonies van de minsn, moetn de lettere overleevndn ountsnappn me een vlote die beschermd weirdt deur het ênige gevechtsschip die overbluuft: de Battlestar Galactica. Om een doel te ein om noatoe te goan, besluut et restant van et minselik ras om noar de planete eirde ip zoek te goan, een planete die allêne moa gekend es van de mythn en soagn.
[bewerkn] De verschillnde series
[bewerkn] De originele reekse
De originele reekse es geproduceerd gewist in 1978 deur Glen A. Larson en es in 1981 uutgezondn ip de BRT. Oloewel et ounderwerp nogol zwoar geloadn wos, wos de serie redelik lichtvoetig en ironisch van tôon. De ôofdrolln weirdn gespeeld deur Dirk Benedict (Starbuck) en Richard Hatch (Apollo), en het contrast tussn de serieuze Apollo en de playboy Starbuck wos doarin de belangrykste rôodn droad. An het ôofd van de vloot stound Kapiting Adama (gespeeld deur Lorne Green). Andere personoages woarn Boomer, Baltar (de klassieke slichterik die overliep noa de vyand), Athena, Cassiopeia en de ounvergetelyke Muffit, olf ond, olf robotte. Der es êen seizoen van 21 ofleveriengn van uutgezondn.
[bewerkn] Galactica 1980
De tweede reekse bestound uut 10 ofleveriengn en ging vôorol over et werevindn van de eirde. Ze oalde bylange nie et niveau van de êeste reekse en weird deur veeln beschouwd als êen van de slichtste science-fiction series ôoit gemakt.
[bewerkn] Nieuwe serie
In 2003 es't er een drie eur deurnde miniserie gemakt, met het originele veroal als achterground. Dat oat zôveel succes, zowel by et publiek als by de pers, dat et de start wos van een nieuwe serie in 2004. Tot ip heedn zyn der drie series gemakt: êen van 13 ofleveriengn, en twêe van 20 ofleveriengn. Oloewel et ôorsprounkelik veroal dus straf bewoard weird (vôorol in de êeste serie), zyn der toch een aantal interessante veranderiengn:
- Starbuck es nu een vrouwe, wa da meugelik biedt tot mêer romantische spanniengn
- De Cylons bestoan in twêe uutvoeriengn: mechanische en humanoide. Die latste zyn nie te ounderscheidn van de echte minsn, en zyn geinfiltreerd in de moatschappy. Da geeft anleidienge tot veel achterdocht en onbehoagn. Van de humanoide cylons zyn der verschillende copieen.
De nieuwe reeks eit verschillende pryzn gehoald, ounder andere de Hugo Award for Best Dramatic Presentation en de prys van de beste TV-show van Time Magazine in 2005. In meie 2007 wos de êeste reekse te zien ip VT4.
