André Denys
Uit Wikipedia
André Denys (Gistel, 6 januoari 1948) es vo 't moment de gouverneur va Ôost-Vloandern. Doarvôorn wos't ie polletieker vo de Open VLD. Ie weunt nu in Gent.
[bewerkn] Carrière
- André Denys es begonn by z'n ouders, dien een familiebedryf oan in de verwerkienge van bêestevelln en wulle in Gistel. In 1969 eit ie een leerlooiery overgenoomn in Zulte, en es ton ôok veruusd noar doar.
- In 1976 deed ie vo 't êest mee an de gemêenteroadsverkiezingen in Zulte ip een nieuwe lyste: "De Vrije Christelijke Eenheidslijst".
- In 1977 eit ie in Zulte de lokoale ofdêlienge van de PVV, de toenmoalige Open VLD ipgericht. Ie eit wel nôoit in de gemêenteroad gezeetn, moar voert ol 27 joar oppositie teegn de CD&V, die onantastboar es in Zulte.
- In 1981 wos 't ie tot volksverteegnwoordiger verkoozn, êest in de Vlamsche Road (1981 - 1995), loater in 't Vlams Parlement (1995 - 2004). In die rolle es't ie vôorol gekend vo zyn gedeegn dossierkennisse. Ie oat uutgesprookn ambities om minister va Landbouw te koomn, moar dat es nôoit gelukt.
- Vanof 1984 wos't ie fractievôorzitter in de Vlamsche Road. Ie es da gebleevn tot 1999.
- Sedert 1 december 2004 es André Denys gouverneur van Ôost-Vloandern, in die rolle eit ie mêer een party-overstygende rolle.
André Denys is altyd een gedreven polletieker gewist. Als parlementslid vo de VLD et ie pertang vele teegnsloagn te verwerkn g'ed. By 't uutdêlen van de ministerportefeuilles en z'em een poar kêren ostentatief over 't oofd gezien, moa toch is 't ie oendanks z'n ountgoochelinge altyd loyaal gebleevn tegenoovr de party.
[bewerkn] Varia
André Denys is nen arten velofan.
J' is êreburger benoemd in z'n geboortegemêente Gistel.
