San Lorenzso
Da Wikipedia, ła ençiclopedia libara.
Lorenzso (Laurentius in latin), el xe sta uno dei sette diaconi de Roma, martirizà 'ntel 258 durante ła persecuzsion scatenà da ł'inperatore Valeriano I 'ntel 257.
[modifica] Vita
Le notizsie sora ła so vita łe xe scarse.
A se sa che 'l gera originario deła Spagna e più precisamente de Osca, in Aragona, vizsin ai Pirenei.
Ancora xovane, el xe sta mandà a Saragozsa par completare i studi umanistiçi e teołogici; lì el ga conosesto el futuro papa Sisto II e tuti do i ga lasà ła Spagna par trasferirse a Roma.
Quando el 30 de agosto 257 Sisto el xe sta eleto vescovo de Roma, el ga afidà a Lorenzso el compito de arcidiacono, cioè de responsabile dełe atività caritative 'nte ła diocesi de Roma.
[modifica] Il martirio
Ai scuminzsi de agosto 258 ł'inperatore Valeriano gaveva emanà on edito, ordinando che tuti i vescovi, preti e diaconi i doveva esare copà: El 6 de agosto a xe sta copà Sisto II e quatro dì dopo a xe sta copà san Lorenzso.
