Estreleira
Da Wikipedia, ła ençiclopedia libara.
Ła estreleira l 'è ła bandiera che sinbołixa ła łota par l' indipendensa de ła Galizsia. La consiste in te ła bandiera ofizsiałe (na bara axura traversałe su sfondo bianco) con ła xonta de na steła rosa al zsentro in sostitusión del scudo. L' è comunemente uxà da ła majoransa dei nasionałisti gałizsiani de sinistra, specialmente in tei ultimi ani, in seguito a ła major difuxión del nazsionałixmo gałizsian tra ła popołasión.
Ła steła rosa l' è stà creà da miłitanti comunisti de ła UPG (Unión do Povo Galego) verso i ani Sesanta, su imitasión de łe stełe de tanti paexi sociałisti come ła Iugoxlavia e de ła steła de ła bandiera de Cuba, adotà dopo l' indipendensa da ła Spagna.
Secondo indagini de ła fondasión "10 de marzo", visina al sindicato CCOO e al Partido Comunista de Galicia (PCG), sta bandiera l' è stà uxà al prinsipio dai miłitanti de ła sesión guerigliera del Partido Comunista de España (PCE) in Gałizsia, in tei ani Quaranta, quando Antonio Seoane l' era capo de ła gueriglia e José Gómez Gayoso segretario del PCE in Gałizsia, mentre i nazsionałisti i uxava da ła creasión del Partido Galeguista una bandiera simiłe con ła steła giała.
Al dì d' ancó tuti i partiti nazsionałisti de sinistra de ła Gałizsia (BNG, Nós-UP, FPG...) i uxa ła bandiera come sinbolo del so nasionałixmo. L' è utiłixà in te łe manifestasioni popołari in forma rivendicativa.
Al contrario de ła bandiera ofizsiałe de ła Gałizsia, no la ga dixegno e dimensioni uniformi, e ła steła rosa la se pol catar al centro come alineà a ła bara axura.
