Denka
Da Wikipedia, ła ençiclopedia libara.
I denka i xe on popolo nilotico che vive en tel Sudan. I vive en tel Bahr el Ghazal, ma anca tochi de Kordofan e Upper Nile. I denka i xe pastori e tuta la loro cultura la mete le bestie al sentro. I xe anca agricoltori durante la stagion seca, co le paludi do i vive (el Sudd) le se ritira e ghe lasa posto a i campi. I denka i xe sirca 4 milioni de persone e i xe el 12% de la popolazion de el Sudan. I denka i vive in vilagi, ma durante el periodo de la seca, co el Nilo el se sbasa e le paludi de el Sudd le perde teritorio e le se lontana da i vilagi, i costruise de i campi provisori do i pastori i mete le vache.
I denka i se divide en nove sotogrupi: atuot, aliab, chiej, agar, gok, rek, twij, malual, e ngok. Tuti i omeni denka i gha da pasar soto el proceso de le iniziazsion. El xe durante sti riti che a tuti vien dato on novo nome, en relazsion co el color de le vache. I denka i crede a on Dio (Nhialic) che el se fa vivo co la posesion temporanea de la zente. Ancò tanti denka i sa fato cristiani (luterani o catolici). I misionari comboniani de Verona i gha laorà co sta sente fin dal 1857 e i gha publicà libri so la cultura e la lengoa. El capo de la gueriglia ne la guera contro el nord el xera on denka (John Gargang). Garang el xe stà copà co on incidente aereo sie mesi dopo la fine de la guera. Salva Kiir Mayardit el xe diventà el presidente del Sud Sudan e vice presidente de tuto el paexe al so posto.
Portałe Africa: varda łe altre voxe de Wikipedia che łe parla de Africa
