Carlo Lodoli
Da Wikipedia, ła ençiclopedia libara.
Carlo Lodoli (1690 - 27 de ottobre 1761) el xe sta on architeto teorico venezsian, noto anca par ła so atività de insegnante; ła so opara ła ga anticipà el conceto moderno de funzionałismo. El xe sta a volte ciamà el "Socrate" de ł'architetura poiché tuti i so scriti i xe 'ndai perdui e łe so teorie łe xe note soło atraverso quanto riportà dai so ałievi e da altri autori. El gera padre francescan del convento San Francesco deła Vegna de Venezsia.
Girolamo Zanetti el aferma che Lodoli el ga inpiegà 20 ani a terminar ła stexura del so tratato so ł'architetura, ma el se ga rifiutà di publicarlo. Francesco Algarotti el ga zsercò da parte so di rendare noto el pensiero de Lodoli 'nte ła propria opara Saggio sopra l'architettura (1757), anche se inte 'na forma on fià atenuada, enfatizsando ł'imitazsion pitosto che el razsionałismo anti-baroco de Lodoli.
A xe sta Andrea Memmo che el ga tentà de rendare giustizsia ałe teorie de Lodoli, 'nte ła so opara Elementi d'architettura lodoliana (1786); de ł'ano sucesivo a xe ła prima edizsion de ł'unico łivro che el porta el nome de Lodoli, Apologhi immaginati (1787): 'na racolta de diti e de storie, speso paradosałi, cuntà ai so amighi e ai so ałievi.
Tra el 1739 e el 1751 Lodoli el ga avudo ł'incarico de Padre General Comisario de Tera Santa a Venezsia, e chi el se ga dedicà ała restaurazsion (1739–43) de ł'ospizsio par i pełegrini aneso al monastero. Questo el xe sta el so unico łavoro pratico.
